Búgin Parlament Senatynyń Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda QR Bas prokýrorynyń birinshi orynbasary Iogan Merkel Iranda qazaqstandyqtardyń sottalmaǵanyn málimdedi.
Otyrysta «Qazaqstan Respýblıkasy men Iran Islam Respýblıkasy arasyndaǵy sottalǵan adamdardy berý týraly kelisimdi ratıfıkasııalaý týraly» QR Zań jobasyn talqylandy.
Iogan Merkeldiń aıtýynsha, Iranmen qatynastar damyǵannan beri kásipkerlik jáne týrızm baǵytynda el azamattarynyń atalǵan memleketke saparlary jıilep keledi. Tek bıyl Iranǵa bizdiń 350 azamatymyz barsa, Qazaqstanǵa 2 myńnan astam ırandyq kelgen.
«Sońǵy 10 jylda 5 ırandyq bizdiń elde sottalǵan jáne olardyń sońǵysy qarasha aıynda bostandyqqa shyǵyp, eline oraldy. Degenmen, Iranda bir qazaqstandyq abaqtyǵa qamalǵan, keıinnen ol raqymshylyqqa ilikti. Búginde sottalǵandar joq», - dedi ol.
Eki el arasynda sottalǵandardy berý úderisteri kelisildi. Eger de Iranda qazaqstandyq buzaqylyq úshin qamaýǵa alynsa, úkim zańdy kúshine engennen keıin ol nemese onyń zańdy ókili elimizdiń konsýldyq mekemeleri arqyly jazany odan ári óteýi úshin Qazaqstanǵa aýystyrý týraly prokýratýǵa ótinish jasaýy tıis.
Sottalǵandardy ózara berý sharalary egemendikke, qoǵamdyq tártipke nuqsan keltirgende, eki taraptyń zańnamasyna jáne múddelerine qaıshy kelgende bas tartylýy múmkin.