Qazaqstan Úkimeti «Nurly jer» baǵdarlamasyn jáne ónimdi jumyspen qamtýdy jáne buqaralyq kásipkerlikti damytý baǵdarlamasyn bekitti, dep habarlady QR Parlamenti Májilisiniń depýtaty Gúlmıra Isımbaeva Parlament Májilisinde «Nur Otan» partııasy Fraksııasynyń keńeıtilgen jınalysynda.
«Memleket basshysy ónimdi jumyspen qamtýdy jáne buqaralyq kásipkerlikti damytý baǵdarlamasyn, sondaı-aq «Nurly jer» baǵdarlamasyn ázirleý týraly tapsyrma berdi. Qajetti qarjylyq qamtamasyz etý bar, bıýdjette qarajat qarastyryldy, baǵdarlamalar ázirlendi. 23 jeltoqsanda Úkimet óz otyrysynda bekitti», - dedi G. Isımbaeva.
Fraksııa otyrysyna qujattardyń mánin túsindirý úshin QR Ulttyq ekonomıka mınıstrligi men Densaýlyq saqtaý jáne áleýmettik damý mınıstrliginiń ókilderi qatysty.
«Biz búgin depýtattarǵa osy baǵdarlamalardyń máni týraly túsindirý úshin eki mınıstrlikti de shaqyryp otyrmyz, sebebi olardyń ekeýi de halyq úshin asa mańyzdy, turǵyn úıdi qamtamasyz etýmen jáne jumys oryndaryn usynýmen baılanysty. Jáne biz 4 qańtardan bastap óńirlerge shyǵamyz, osy baǵdarlamalar boıynsha aqparat biz úshin de, bizdi saılaýshylar úshin de paıdaly bolady dep senemiz», - dep qosty G. Isımbaeva.