Batys Altaıdyń baýyryndaǵy Rıdder qalasynan ótip, qalyń taıgaǵa suǵyna túskende aldyńyzdan «Gromotýha» atty demalys bazasy kórinedi. Osy týrıstik ortalyqqa kelýshilerdiń nazary aldymen eki ıt súırep júrgen shanaǵa aýatyny ras. Ádette, ıt jekken syrǵymalardy biz Sibirde turatyn halyqtar týraly derekti fılmderden ǵana kóretinbiz. Munyń da sodan aıyrmasy joq. О́ıtkeni, Alıaska malamýttary adam otyrǵan shanany alshań basa súıreıdi.
Alıaska malamýttary demekshi, baǵzyda máńgi qar basqan mekende eskımostar qolǵa úıretken qasqyrtektes tuqymdy qyzyǵa tamashaladyq. Bórige týystyǵy úrmeıtindigi men túr-túsinde sııaqty. Negizinen tirsekti, myǵym keletin bul tuqym adamdarǵa óte úıirsek bolady eken. Ásirese, balalardy jaqsy kóredi. Erkegi – Ares, urǵashysy – Kúmis hanshaıym Olensııa degen atqa ıe malamýttardyń qojaıyny Sergeı Nam veterınarııa salasynda jumys istese, qyzy Angelına Ombyda kınolog mamandyǵyn oqyp júr.
– Reseıge jıi baramyz. Sibir ormandarynda buǵyny da, ıtti de shanaǵa jegip júredi. Taıgada turǵandyqtan, bizge de bul úrdisti engizýge bolady ǵoı dep oıladym. Osyndaı qyzmetter arqyly ǵajaıyp orman-sýymyzdy tanytqymyz, týrızmdi damytqymyz keledi, – deıdi S.Nam.
Ol bireýiniń ózi 200-300 myń teńgege baǵalanatyn malamýt kúshikterin Reseıden alyp kelipti. Itter qıqýlatqandy unatady eken. Aıǵaıǵa súreń qosylǵanda shabysyn údete túsedi, shanany qınalmaı súıreıdi. Toqtatarda shananyń artyndaǵy temir tejegishin bassańyz boldy. Jalpy, Ares te, Olensııa da tilalǵyshtyǵymen, jatyrqamaıtyndyǵymen tánti etti.
Dýman ANASh,
«Egemen Qazaqstan»
Shyǵys Qazaqstan oblysy