2016 jylǵy 27 jeltoqsanda Mınıstrlikte áleýmettik mańyzy bar qatynastar boıynsha temirjol jolaýshylar tasymalyn memlekettik sýbsıdııalaýdyń jańa mehanızmin engizý boıynsha jumystardyń qorytyndysy jasaldy jáne 2017 jylǵa josparlar anyqtaldy, dep habarlady strategy2050.kz Investısııalar jáne damý mınıstrligine silteme jasap.
2016 jylǵy 12 aı ishinde jolaýshylar tasymalynyń kólemi 23,4 mln. adamdy qurady, bul 2015 jylǵy kórsetkishpen salystyrǵanda 4% joǵary. 2017 jyly jolaýshylar tasymalynyń ósýi 5% quraıdy dep josparlanýda.
Bul rette, 2016 jyly 60 áleýmettik mańyzy bar qatynastardy sýbsıdııalaýǵa 24,9 mlrd. teńge bólindi.
Qyzmet etý merziminiń aıaqtalýyna baılanysty jyl saıyn 100 astam vagon qoldanystan shyǵarylady. Osyǵan baılanysty, temir jol kóligi máselesi boıynsha zańnamaǵa aıtarlyqtaı ózgerister engizildi.
Sýbsıdııalaýdyń jańa mehanızmin engizý jolaýshylar tasymalyn tolyq qamtamasyz etý boıynsha keshendi sharalardy qabyldaýdy kózdeıdi.
Birishiden, bul vagon parkin jańartý jáne jańa poıyzdardy iske qosý.
Mınıstrlikpen, 2016 jylǵy 21 qarasha men 12 jeltoqsan aralyǵynda barlyq áleýmettik mańyzy bar qatynastar boıynsha jıyrma jyldyq kezeńge tasymaldaýshylardy anyqtaý boıynsha konkýrstyq prosedýralar júrgizildi.
Konkýrs qorytyndysy boıynsha kelesideı negizgi nátıjege qol jetkizildi:2017 jyly 55 jańa vagon satyp alýǵa 16 mlrd. teńge jeke ınvestısııalar tartylady;tasymaldaýshylarmen jasasqan sharttar sheńberinde 30% vagondar parkin jańartý mindettemeleri qabyldandy, bul 500 vagonnan astam.
2017 jyly sýbsıdııalaý esebinen qosymsha 24 vagon satyp alynatyn bolady.
2017 jyly Almaty-Shymkent, Astana-Oral, Almaty-Oral jáne Astana-Almaty-Altynkól, Astana-Atyraý, Astana-Manǵyshlaq, Astana-Shymkent marshrýttar boıynsha jańa poezdar ashylatyn bolady.Jumystyń ekinshi baǵyty bul, qoldanystaǵy poezdardyń jıeliligin joǵarylatý jáne suranysy tómen áleýmettik mańyzy bar qatynastardy ońtaılandyrý.
2016 jyly Máskeý, Sankt-Peterbýrg jáne Kıev qalalaryna deıin halyqaralyq poezdar toqtatyldy. Poezdardy toqtatýdyń negizgi sebepteri bolyp:tasymaldyń áýe kóligimen bir deńgeıdegi joǵarǵy quny;Reseı Federasııasy aýmaǵy boıynsha atalǵan poezdardyń tolýynyń tómen bolýy (44%) bolyp tabylady.
2017 jyly poezdardyń jańa qozǵalys kestesi birinshi kezekte áleýmettik mańyzy bar qatynastar boıynsha tasymaldyń qajettiligi esebimen kelisilgen. Mysalǵa alǵanda, 307/308 Jezqazǵan – Astana jolaýshylar poezdynyń qatynaýy 2017 jyldan bastap kúnara qatynaýyn kúnsaıynǵa aýystyrý josparlanýda.
Úshinshi baǵyt, bul, sapany jaqsartý jáne jolaýshylar tasymaly qaýipsizdigi úshin normatıvtik sharttar jasaý.2016 jyldyń 2 jeltoqsanynan bastap jańa Jolaýshylar tasymaly qaǵıdasy engizilgen.
Mysalǵa, jańa Qaǵıdada tósek jabdyqtaryn usyný tártibi jáne sharttary, elektrondyq qyzmet kórsetýdi usyný, vagondardy jabdyqtaý boıynsha talaptardy joǵarylatý jáne t.b. jetildirilgen.
Sonymen birge, sýbsıdııalaý sharttarynda jolaýshylar tasymalynyń sapasyn jáne poezdarda servıstik qyzmetterdi arttyrý boıynsha sharalar bekitilgen.
Mysalǵa, 2017-2018 jyldarǵa:poezdyń keshigýi jaǵdaıynda jolaýshylardy habarlandyrý júıesi;jol júrý qujattaryn satý júıesinde «kútý kestesin» qurý;usynystar men shaǵymdardy usyný úshin «Call-centre» engizý;jolseriktermen jolaýshylarǵa qyzmet kórsetý standarttaryn engizý jáne t.b. engiziletin bolady.
Sonymen qosa, 2017 jyldan bastap terrorıstik qaýip deńgeıine sáıkes 16 temirjol vokzaldarynda jolaýshylardy qarap-tekserýdi engizý josparlanýda.
Qarap-tekserý birinshi kezekte 5 klasttan tys vokzaldarda ótkiziletin bolady. Osylaısha, tekserip-qaraý birinshi toqsanda Almaty 1, Almaty 2 jáne Astana vokzaldarynda, birinshi jarty jyldyqta Aqtóbe jáne Qaraǵandy vokzaldarynda, jyldyń aıaǵyna deıin qalǵan temirjol vokzaldarynda engiziletin bolady.
Qabyldanǵan sharalar:jolaýshylar tasymalyn memlekettik sýbsıdııalaýdyń aıqyndylyǵyn joǵarlatýǵa;qyzmet etý merzimi boıynsha vagondardyń qoldanystan shyǵyp qalýy esebinen jolaýshylar parki vagondaryn jandandyrýdy qamtamasyz etý jáne bul maqsattarǵa 16 mlrd. teńgeden artyq ınvestısııany tartýǵa;ásirese halyqaralyq is-sharalardy ótkizý aralyǵynda vokzaldardyń antıterrorlyq qaýipsizdikti joǵarylatýǵa;azamattardyń barlyq sanattary úshin temirjol jolaýshylar tasymalynyń qol jetimdiligin joǵarylatýǵa múmkindik beredi.