Otandyq hımııa ındýstrııasynyń kóshbasshysy «Qazfosfat» JShS álemniń 27 eline sary fosfor jiberip, elimizdiń hımııalyq ónimderdiń úshten birin qamtamasyz etedi. Kásiporynda ashylǵan eki jańa seh ónimniń ózindik qunyn tómendetip, tutynýshylar sanyn arttyrýǵa septigin tıgizedi, dep habarlaıdy QazAqparat.
«Qazfosfat» JShS-niń bas dırektory, eńbek eri Muqash Eskendirovtiń aıtýynsha, qýattylyǵy jylyna 5 myń tonna bolatyn fosfor-kalıı tyńaıtqyshtaryn óndiretin seh jáne qýattylyǵy jylyna 70 mıllıon tekshe metr azot bolatyn aýany bólý sehy paıdalanýǵa berildi.
«Jańa sehtar óndiris kólemin jáne taýar nomenklatýrasyn ulǵaıtýǵa múmkindik beredi. Biz bul sehtarǵa 1,5 mlrd saldyq jáne ónimniń ózindik quny tómendep, tutynýshylar sany artady dep boljap otyrmyz», - dedi Muqash Eskendirov.
Fosfor-kalıı tyńaıtqyshtar sehy sary fosfor óndirisiniń mıllıon tonna qaldyǵyn kádege jaratý máselesin sheshe alady. Bul óńirdiń ekologııasyna oń áser etedi. Bul tehnologııany jambyldyq fosforshylardyń ózderi oılap shyǵarǵan. Fosfor-kalıı tyńaıtqyshtar sehyn turǵyzýdan buryn, zertteý ınstıtýtymen birigip, dándi-daqyldar, baqshalyq, záıtún, jońyshqa arqyly fosfor-kalıı tyńaıtqyshtaryna synaq júrgizildi. Jońyshqadan ózge daqyldardyń barlyǵy egin shyǵymdylyǵyn 15-20% arttyrǵan.
«Aýa bólý sehyn jańartýǵa toqtalsaq, bul seh tolyǵymen avtomattandyryldy, ótkizý nátıjesinde suıyq azot pen ottegi shyǵady, bul tyńaıtqysh óndirisinde jáne tehnıkalyq qajettilikte kádege jaraıdy», - dedi Eskendirov.
Iri otandyq hımııa ónerkásibiniń basshylyǵy habarlaǵandaı, kompanııa negizin qalaǵan 16 jyl ishinde sary fosfor, natrıı trıpolıfosfaty, mıneraldy tyńaıtqyshtar sekildi 20-dan astam ónim túrlerin shyǵaryp, Qazaqstanda hımııa ındýstrııasynyń kóshbasshysy atandy. О́nimge 50 mlrd teńge ınvestısııalanǵan. Eksport jalpy satý kóleminiń 94% quraıdy.