Batyr babalarymyz talaı ǵasyr armandaǵan Táýelsizdik tańynyń atqanyna 25 jyl toldy. Tarıhı ólshem turǵysynan alǵanda bul asa uzaq ýaqyt bolmaǵanymen, osy kezeń ishinde elimiz álem tanyrlyq ári tańqalarlyq ister atqara bildi. Qazaqstannyń geosaıası jaǵdaıyn, alyp ımperııa qulaǵannan keıingi eldegi áleýmettik-ekonomıkalyq ahýaldy eske túsirsek, táýelsiz azat eldi qalyptastyrý, ony turaqty damý dańǵyl jolyna salý – erlikke para-par is edi. Bul rette elimizdiń Tuńǵysh Prezıdenti – Qazaqstan Qarýly Kúshteriniń Joǵarǵy Bas qolbasshysy Nursultan Nazarbaevtyń kemel saıasaty men kóregendigin atap ótpeske bolmaıdy.
Elbasymyzdyń salıqaly strategııalary negizinde memleketimizde demokratııa ornady. Sonyń arqasynda ekonomıkamyzdyń damýy jańa formasııaǵa kóshti. О́zimizdiń ulttyq tól teńgemiz, Eltańbamyz, Týymyz, Ánuranymyz jáne Ata Zańymyz – Konstıtýsııa qabyldandy. Esil boıyndaǵy eńseli qala – kórkine kóz toımas Astanamyz boı kóterdi. Qazaqstan tutastaı álemdegi ekonomıkalyq, saıası úderisterge belsene qatysty, sol arqyly BUU, EQYU, IYU syndy irgeli halyqaralyq qurylymdardyń múshesine aınaldy.
Táýelsizdik alǵan alǵashqy kezeńnen bastap eldiń qoǵamdyq qaýipsizdigi men ishki tártibin kúzetý, túzeý mekemeleri men asa mańyzdy nysandardy qorǵaý maqsaty memleketimizdiń aldyndaǵy mańyzdy maqsattardyń biri bolyp turdy. Osy maqsatta 1992 jyldyń 10 qańtarynda Elbasynyń Jarlyǵymen Qazaqstan Respýblıkasynda Qarýly Kúshterden alǵash bolyp Ishki ister mınıstrliginiń Ishki áskerleri quryldy. О́ıtkeni, elimizdiń qaýipsizdigi men tynyshtyǵyn qamtamasyz etýge qatysty máselelerdi el Prezıdenti árdaıym basty nazarda ustady. Tipti, elimizdiń osy kúngi jemisti jolynyń bastaýy bolyp sanalatyn «Qazaqstan-2030» Strategııasynda Memleket basshysy: «Bostandyq pen táýelsizdikti jeńip alý jetkiliksiz, ony tabandy túrde qorǵap, nyǵaıtyp, urpaqtarǵa qaldyrý qajet. Eger biz óz memlekettiligimizden aıyrylyp, egemendigimizdiń negizderin, óz jerlerimiz ben resýrstarymyzdy qolymyzdan shyǵaryp alsaq, bizge keshirim joq», dep atap ótken bolatyn.
Osy oraıda aıryqsha nazar aýdararlyǵy, Elbasy N.Nazarbaev táýelsizdik alǵannan keıingi quqyqtyq tártipti qamtamasyz etýge jiti kóńil bóle otyryp, Egemendik deklarasııasy jarııalanǵannan keıin nebári 26 kúnnen soń memleketimizde alǵashqy kúsh-qýat organy retinde Ishki áskerdi qurǵany biz úshin maqtanysh jáne memleket tarapynan kórsetilgen aıryqsha senim. Sol 1992 jylǵy 10 qańtardan bastap Ishki áskerdiń jeke quramy alǵa qoıylǵan tapsyrmalardy laıyqty túrde oryndap, jeke adam men azamattyń konstıtýsııalyq quqyqtaryn, qaýipsizdigin, qoǵam qundylyqtaryn, memleket turaqtylyǵy men tynyshtyǵyn qaýip-qaterlerden jan-jaqty qorǵaý jolyndaǵy jaýapty qyzmetin tek quqyqtyq sheńberde iske asyryp keledi.
Áskerimizdiń áleýetin kóterý maqsatynda Elbasy Jarlyǵymen 2015 jyldyń 21 sáýirinde «Qazaqstan Respýblıkasynyń Ulttyq ulany týraly» Zań qabyldanyp, Ishki áskerge Ulttyq ulan mártebesi berildi. Sol arqyly tynyshtyqtyń tuǵyrynda turǵan kúsh-qýat qurylymyna zań aıasynda jańa arnaıy mindetter júkteldi, qyzmettiń naqty tarmaqtary men maqsattary aıqyndaldy, áskerı qurylymnyń mártebesi joǵarylatyldy. О́zderiniń daıarlyǵyn, kásibı biliktilikterin joǵarylatý, tájirıbelik bilimderin arttyrý arqyly ulandyqtar kúsh-qurylym organdary arasynda laıyqty ornyn aldy.
El táýelsizdigimen qatar, tynyshtyq pen tártip tiregi – Ulttyq ulannyń qurylǵanyna da aldaǵy jyldyń 10 qańtarynda 25 jyl tolǵaly otyr. Búgingi tańda ulandyqtar halqymyzdyń senimdi qorǵanyna aınaldy. Táýelsizdik alǵan jyldan beri qaraı Qazaqstan Respýblıkasynyń aýmaǵynda ishki turaqtylyqtyń berik saqtalýyn Otanyn anasyndaı súıgen árbir ulandyq jaýyngerdiń antyna adal bolyp atqarǵan qyzmetiniń nátıjesi dep bilemin.
Halqymyzda «Er – eliniń qorǵany» degen ataly sóz bar. Osynaý 25 jyl boıy quqyqtyq tártip pen qaýipsizdikti, elimizdiń turaqtylyǵy men jerimizdiń tutastyǵyn jáne elimizdiń basty qundylyǵy – táýelsizdikti Ulttyq ulan áskeri, Elbasymyz aıtqandaı, «kózdiń qarashyǵyndaı saqtaýǵa» qashan da ázir.
Jaqyny turmaq jatqa beıbitsúıgish, meımandos nıetimen tanylǵan asyl halqymyzdyń asqaq muraty – el táýelsizdigi máńgilik te baıandy bolǵaı!
Álibek SERÁLIEV,
Qazaqstan Respýblıkasy Ulttyq ulany «Ońtústik» óńirlik qolbasshylyǵynyń qolbasshysy, general-maıor
ALMATY