Memleket basshysy Nursultan Nazarbaev Fıdel Kastronyń qaıtys bolýyna baılanysty Kýba Respýblıkasy Memlekettik keńesiniń jáne Mınıstrler keńesiniń tóraǵasy Raýl Kastroǵa kóńil aıtý jedelhatyn joldady. Bul týraly Aqordanyń baspasóz qyzmeti habarlaıdy.
Jedelhatta Qazaqstan Prezıdenti Kýba revolıýsııasy kóshbasshysynyń dúnıeden ótkeni týraly habardy zor kúızelispen qabyldaǵany atap ótilgen.
«Qazaqstan halqy komandante Fıdel Kastrony parasatty basshy, bedeldi saıasatker jáne ekijaqty yntymaqtastyqty nyǵaıtýǵa zor eńbek sińirgen tarıhı tulǵa retinde esinde saqtaıtyn bolady», - delingen kóńil aıtý jedelhatynda.
Nursultan Nazarbaev Qazaqstan halqynyń jáne jeke óziniń atynan dostyq peıildegi Kýba Respýblıkasynyń halqyna kóńil aıtty.