Búgin Qyzylordada apattyq jaǵdaıdaǵy úılerdiń ornyna salynǵan 60 páterlik turǵyn úı paıdalanýǵa berildi.
«Sońǵy 3 jylda 7 myńǵa jýyq otbasy, ıaǵnı 30 myńnan asa turǵyn qonys toıyn toılady. Sonymen qatar, eki jyl ishinde páter kezeginde turǵandardyń 28 paıyzy baspanaly boldy. Al qazir bir mezette 80 kópqabatty úıdiń qurylysy júrip jatyr. 2013-2016 jyldar aralyǵynda Qyzylordada 11 shaǵyn aýdan boı kóterdi. Budan bólek, sońǵy úsh jylda apattyq jaǵdaıdaǵy úılerdiń turǵyndary 144 jańa páterge kóshti. Al búgin biz taǵy 60 páterdiń kiltterin tabystaǵaly otyrmyz», – dedi aımaq basshysy.
Aıta keteıik, 60 páterli úıdiń qurylysy bıyl shilde aıynda bastalyp, qarasha aıynda aıaqtaldy.