Irannyń Semnan provınsııasynda eki poıyz soqtyǵysyp, 44 adam qaza tapty. Sonymen qatar, júzge jýyq jolaýshy túrli jaraqat aldy. Bul týraly TASS aqparat agenttigi habarlady.
«Qutqarý jumystary aıaqtaldy. Otqa oranǵan vagondardan barlyq máıit shyǵaryldy. Opat bolǵandardan bólek, 82 adam jaralandy. Qazirgi ýaqytta qaıǵyly oqıǵanyń sebep-saldaryn anyqtaý úshin tergeý isi júrip jatyr», – dedi Irannyń densaýlyq saqtaý mınıstrliginiń ókili Pır Hoseın Kolıvand.
Aldyn ala málimet boıynsha, buǵan tehnıkalyq aqaýlar sebep bolýy múmkin.