Pavlodarda ótip jatqan bokstan Qazaqstan chempıonatynyń fınaldyq kezdesýlerinde Jánibek Álimhanuly 81 kelide jeńiske jetti. Sońǵy jekpe-jekte ol belgili boksshy Nurdáýlet Jarmanovtan upaı sanymen basym tústi. Bul kezdesý fınaldaǵy eń qyzyqtylardyń biri boldy. Jarmanov ózinen ataqty qarsylasyna birneshe dál soqqy jumsady. Alaıda, 3-raýndtyń orta tusynda ózi 2 ret nokdaýn aldy. Sońǵy úsh kezdesýde Jánibek qarsylastaryn 8 ret nokdaýnǵa jiberdi.
Osylaısha, Jánibek Álimhanuly óziniń jańa salmaǵy 81 kelide el chempıony atandy.
Bul salmaqta Ádilbek Nııazymbetov birneshe jyldan beri quramanyń nómiri birinshi boksshy bolyp kelgeni belgili. Olımpıada kórsetken jaqsy nátıjeleri sebepti Nııazymbetov, Eleýsinov, Levıt jáne Dychko el birinshiliginen bosatyldy.
Osy chempıonatta bergen suhbatynda Jánibek «Ádilbekti aǵa retinde qurmetteımin. Al rıngte kezdesip jatsaq, bir-birimizge myqty qarsylas bolarmyz dep oılaımyn» degen-di. Sonymen qatar ol «Kásipqoı boksqa aýysasyz ba?» degen suraqqa «Ol másele osy chempıonattan keıin anyqtalady» dep jaýap berdi.
Chempıonatta jeńdi. Endi 81 kelide Qazaqstan quramasynda 2 birdeı asa myqty boksshy paıda boldy. Olardyń qaısysy negizgi quramǵa alynady? Álemdik iri jarystardan altyn medal almaǵanmen, turaqty túrde jaqsy nátıjelerge jetýimen baǵaly Ádilbek pe? Álde 20 jasynda «qazaq boksynyń juldyzy» atanyp úlgergen, jankúıerdiń súıiktisine aınalǵan, alaıda, iri dodalarda kútpegen jerde jeńilip qalatyn nokaýter Jánibek pe?