Búgin Pavlodarda bokstan Qazaqstan chempıonaty aıaqtaldy. Bir aptaǵa sozylǵan jarysta barlyǵy 10 salmaq kategorııasy boıynsha el chempıondary anyqtaldy.
Chempıonat qorytyndysy boıynsha 49 kelide Temirtas Júsipov, 52 kelide Azamat Isaqulov, 56 kelide Qaırat Eralıev, 60 kelide Ádilet Qurmetov, 64 kelide Bekdáýlet Ibragımov, 69 kelide Abylaıhan Júsipov, 75 kelide Ábilhan Amanqul, 81 kelide Jánibek Álimhanuly, 91 kelige deıin Anton Pınchýk jáne asa aýyr salmaqta (+91 kg) Oljas Boqaev chempıondyq ataqqa qol jetkizdi.
Dodanyń qurmetti qonaqtarynyń biri – ulttyq quramanyń bas jattyqtyrýshysy Myrzaǵalı Aıtjanov. Ishki birinshiliktiń qorytyndysynan keıin ol ulttyq quramanyń jańa quramyn tanystyrýy tıis.