Búgin Qyzylordada el Táýelsizdiginiń 25 jyldyǵyna arnalǵan halyqaralyq aqyndar aıtysy óz máresine jetti. Ádilqazylar alqasynyń uıǵarymymen bas júlde jáne Volkswagen jeńil avtokóligi jerlesimiz Muhtar Nııazovqa berildi.
Birinshi oryn jáne «Lada» avtokóligin Qytaıdan kelgen aqyn Ularbek Mınathan jeńip aldy. Ekinshi oryn jáne 700 myń teńge elordalyq aıtyskerler Sara Toqtamysova men Serikzat Dúısenǵazınge berildi. Úshinshi oryn jáne 500 myń teńgeni qyzylordalyq Meıirbek Sultanhan men qaraǵandylyq Dıdar Qamıev ıelendi.
Qytaıdan kelgen aıtysker Erlan Amanqoja, Mońǵolııa qazaqtary Erlan Dáýlet pen Serik Qýanǵan, Maqsat Ahanov (Qaraǵandy), Bolatbek Orazbaev (Almaty), Aıtbek Tursynbaev (Taraz), Aspanbek Shuǵataev (Pavlodar) jáne Qalıjan Bildáshev (Shymkent) 150 myń teńgeden yntalandyrý syıaqysyna ıe boldy.
Qyrǵyzstannan kelgen aqyndar Elmırbek Imanálıev pen Asylbek Maratqa 400 myń teńgeden arnaıy syıaqy jáne Manas batyrdyń kúrishten jasalǵan kartınasy tabystaldy.