Ortalyq kommýnıkasııalar qyzmetinde elimizde júrgizilip jatqan múlikti zańdastyrý jónindegi aksııaǵa qatysty baspasóz máslıhaty ótti. Oǵan Qarjy vıse-mınıstri Ardaq Teńgebaev qatysty.
Ol qazirgi kezde 3,9 trln teńgeniń 3,5 trln teńgesi zańdastyrylǵanyn aıtty. Onyń aıtýynsha, 2015 jyldyń sońyna deıin, ıaǵnı jańa zańnamalyq túzetýlerdi engizý ýaqytyna deıin 425 mlrd teńge zańdastyrylypty. Jalpy, múlikti jarııa etý 8 esege artsa, al aqsha boıynsha 30 esege kóbeıgen.
Aksııaǵa 136 myńnan astam adam, onyń ishinde aqshany zańdastyrý boıynsha 7 myńnan astam adam, shet eldegi múlikti jarııa etý boıynsha 283 adam qatysty.
Osyǵan baılanysty ol 4 kúnnen keıin zańnamaǵa sáıkes resimdelmegen jyljymaıtyn múlikti zańdastyrýǵa arnalǵan qujattardy ákimdikter janyndaǵy komıssııalarǵa tapsyrý merzimi 30 qarashada aıaqtalǵanyn, memlekettik kirister organdary arqyly jarııa etiletin, qalǵan múlik boıynsha (onyń ishinde aqsha), tıisti deklarasııany tapsyrý merzimi 2016 jylǵy 23 jeltoqsanǵa deıin bolatynyn atap ótti. «Iаǵnı atalǵan merzimder aıaqtalǵannan keıin tıisti memlekettik organdardyń kandaı da bir qujattardy qabyldaýǵa, al bankter jarııa etý maqsaty úshin shottardy ashýǵa quqyǵy joq», dep túsindirdi vıse-mınıstr. Múlikti jarııa etý máseleleri jónindegi zań 2014 jylǵy qyrkúıekten bastap kúshine endi.
Múlikti jarııa etýdiń aıaqtalýyna bir aıǵa jaqyn merzim qalǵandyǵyn eskere otyryp, mınıstrlik ókili el azamattaryn ótkizilip otyrǵan aksııany paıdalanýǵa shaqyrdy.
Dastan KENJALIN,
«Egemen Qazaqstan»