Búgin Premer-Mınıstr B.Saǵyntaevtyń tóraǵalyǵymen ótken Úkimet otyrysynda AО́K-ti damytýdyń 2017-2021 jyldarǵa arnalǵan memlekettik baǵdarlamasy talqylandy. Onda Premer-Mınıstrdiń orynbasary - Aýyl sharýashylyǵy mınıstri Asqar Myrzahmetov bul baǵdarlamadan qandaı nátıjeler kútiletinin aıtyp berdi.
«Baǵdarlamany júzege asyrý nátıjesinde Qazaqstan halqy úshin aýyl sharýashylyǵy salasy negizgi kiris kózine aınalady. 2021 jylǵa qaraı aýyl sharýashylyǵy ónimderiniń jalpy jıyny 30%-ǵa 1trln teńgege nemese 3,3 trln teńgeden 4,3 trln teńgege deıin ulǵaıtý josparlanýda. Sonymen qatar, eńbek ónimdiligin 50%-ǵa 1,2 mln teńgeden 1,9 mln teńgege arttyrý, eksport 17%-ǵa 2,1 mlrd-2,5 mlrd AQSh dollaryna deıin, jáne ımport kólemin 17%-ǵa 3,4 mlrd-2,8 mlrd AQSh dollaryna deıin tómendetý kózdelip otyr», – dedi mınıstr.
Sonymen qatar, sýarmaly jerlerdiń úlesin 40%-ǵa ıaǵnı, 1,4 mln ga 2 mln ga deıin arttyrý, osynyń nátıjesinde kiris 30 esege deıin kóbeıedi.
Negizgi basymdylyq fermerlerge bólinedi: memlekettik qoldaý 7 esege, ıaǵnı 67 myńnan 500 myń AShTО́ kóbeıedi.
Dınara Bitikova,
«Egemen Qazaqstan»