Tektilik tuǵyry

О́negeli ómiriniń elý jyly keńes zamanynda ótse, keıin­gi 25 jyly – táýelsizdikpen tus­tas ári taǵdyrlas. Ata jasynda at­tan túspegen jasampaz jannyń izgi jar­atylysy, parasatty bolmysy janyńa shýaq taratatyny anyq. Men biletin Rymbek – sezim­tal, paıymdy, boljamdy adam. Segiz qyrly, bir syrly, joǵyn tabatyn, baryn uqsatatyn, shapshań sheshim qabyldaı­tyn, toqmeıilsýdi bilmeıtin, kól­girlikten ada, ishki dúnıesi baı, talǵampaz, izdenim­paz, talap­shyl kisi. Bul qasıet­ter oǵan ana sútimen sińgen. Anasy Toqy­raýyn boıyn­da­ǵy ataq­ty Tumabaı baıdyń asyna al­pys atan túıe baıl­a­ǵan Omash degen bolys balasy­nyń qy­zy eken. Al sol Omash­tyń balalary keńestik dáýirdiń al­ǵash­qy kezeńderinde baı­dyń tuqy­my retinde biraz qys­paq kórgenimen, keıin Almaty­da oqyǵan táýirlerdiń sanatynda bolyp, jaqsy qyzmet­ter atqaryp, aýqat­ty turmys-tirshilik keshken. Solardyń biri – sheshesi­niń tý­ǵan inisi Ǵazız dúnıe­den óter aldyn­da Rymbekke óziniń aqsha sala­tyn ámııanyn atap, yrymǵa qa­l­dyrypty. Sondyqtan bolar, Rymbek naǵashy jurtynyń arýa­ǵyn qatty syılaıdy, árqashanda óziniń taǵdyryna olardyń ataq-aıbarynyń, yrysynyń juǵysty bolǵanyn aıtyp otyrady. Surapyl soǵys bastalǵan jyly týǵan Rymbektiń bal­dáýren bala­lyǵy qıyn-qystaý zamanǵa tap keldi. Taý­qy­met pen tapshylyq ony, óz turǵylastary sekildi, erte eseıtti. Jigerin janyp, bıik mu­rat­tarǵa talpyndyrdy. Mek­tep bitirgesin keńshardyń qatar­daǵy jumysshysy bolyp júr­gen uldarynyń taýdaı talaby men qabilet-qarymyn ańǵarǵan ata-anasy aq batasyn berip, Rymbekti Almatyǵa oqýǵa attan­dyrdy. Áýeli tehnıkýmda, odan soń ınstıtýtta agronom mamandyǵynyń qyr-syryn túgel meńgerip shyqqan jigit kindik qany tam­ǵan óńirge oralyp, shırek ǵasyr taban aýdarmaı qyzmet istedi. Tarydaı bolyp kirgen jerinde taýdaı bolyp jetildi. Osy merzim ishinde keń­shar­dyń bas agronom­dyǵy­nan aýdandyq partııa komı­tetiniń birinshi hat­shy­lyǵyna deıingi satylar­dan aby­roıly ótti. Shıraq isker­ligi, uıym­d­astyrýshylyq daryny, min­detine adaldyǵy, elge ja­qyn­­dyǵy arqasynda esh qıyn­dyqqa moıymastan, árqashan kózdegen mejeden kórindi. Qaı jaýapty jumysta da tóńiregin túgendep, qaraýyndaǵy qyz­met­kerlerin qoldap-qorǵap júrdi. Qadamdaryn shalys bastyrmady, eshbirine zııan shektirmedi, barshasyna sharapatyn tıgizdi. «Jaqsymen joldas bolsań – jetersiń muratqa, jamanmen joldas bolsań – qalarsyń uıatqa» degen ulaǵatty sóz osyndaıda aıtylsa kerek. Rymbek Júnisovtiń elge jasa­­ǵan eńbegi laıyqty baǵa­lan­dy. HII saılanǵan Qazaq KSR Jo­ǵary Keńesiniń depýta­ty, eki márte «Qurmet Bel­gisi» ordeni­niń ıegeri bolýy­men qatar, osy kúni Qazaq­stan­­­nyń eńbek sińir­gen qa­ı­rat­keri. О́zi týyp-ósken aýdan­nyń qur­­met­ti azamaty. Jet­pis­tiń jýan ortasyna jetse de, qoǵam­dyq jumystan qol úzgen emes. Ilgeride «Nur Otan» partııasy Saıası keńesiniń múshesi retinde belsendi ómirlik ustanymyn tanytsa, qazir Qazaqstan halqy Assambleıasynyń múshe­si re­tin­de el yntymaǵyn jaras­tyrý­­dyń bel ortasynda júrýi de bir ǵanıbet. Naryq zamanynyń kiltin taýyp, tyndyrǵan sharýasy­nyń ózi bir tóbe. Astanadaǵy «Aqmola-Beton» JShS kompanııasy» dırektorlar keńesiniń tóraǵasy retinde 100-120 adamdy jumyspen qamtamasyz etip, el ekonomıkasyna úles qosyp keledi. «Bilim men aqyl bárin jeńe­di. Aqsha baılyǵymen rýha­nı baı­lyqty almastyra al­maı­syń» deı otyryp, «Kóńil­ge túıgenderim», «To­qy­raýyn toqyramasyn» at­­ty kitap­tar jazý arqyly ǵu­myr­­lyq taǵylymy men táji­rı­be­­sin kóp­pen bólisken Rekeń – qut­ty shańy­raq­tyń ıesi. Onyń búginde el aǵasy, qo­ǵam qaı­­ratkeri dáreje­sine kóterilýine jubaıy – shýaq­ty ot­ba­sy­­nyń anasy Bázıla Qalı­qyzy­nyń sińirgen eńbegi jónin­de aıtpaı ketý aǵattyq bolar edi. Olar­dyń bas qosyp, ortaq shańy­raq kótergenderine jarty ǵasyr ýaqyt ótipti. Bázıla da halyq qur­metine bólen­gen, el ara­syn­da erek­she orny bar, sulý da súı­­kimdi, kelbetti de kerimsal jan. Ma­man­­dyǵy – dáriger. О́te má­de­nıetti, adam­gershiligi jo­ǵary, ortasynyń sánin keltirip, mánin arttyryp otyratyn aq­jar­qyn, taza nıetti, keń júrek­ti asyl adam. Qaljyń men ázil­di kelis­tirip aıtqanda, aına­lasyn kúl­kige kómip tastaı­dy. Dámdi taǵam­­darǵa toly berekeli das­tar­qany qashan da jaıýly, qoly ashyq, qonaq­taryn qýana kútetin asa kór­kem minezdi oshaq ıesi. Joly bolar, baǵy ashylar er-aza­­mat­tyń jary osyndaı bolar. Juby jarasqan Rymbek pen Bázıla – qazir uldaryn uıaǵa, qyz­daryn qııaǵa qondy­ryp, 9 nemeresi men 4 shóbere­siniń qyzyǵyna kene­lip otyr­ǵan ardaqty ata, áz áje. Qut qonǵan áýletteriniń ba­qyty men berekesi baıandy bolsyn deımin.

Tıshbek TIаJIN,

Halyq aǵartý isiniń úzdigi, derbes zeınetker