Ortalyq kommýnıkasııalar qyzmetinde Qazaqstan Respýblıkasy Prezıdentiniń «Altyn sapa» syılyǵy, «Qazaqstannyń úzdik taýary» respýblıkalyq kórme-baıqaýy, «Atameken» Ulttyq kásipkerler palatasynyń «Isker» arnaıy syılyǵy jáne «Uly Dala eli» biryńǵaı brendin paıdalaný quqyǵyn taǵaıyndaýǵa arnalǵan baıqaý jeńimpazdaryn saltanatty marapattaý rásimine arnalǵan baspasóz máslıhaty ótti.
Bul sharalar týraly «Atameken» UKP Jumyspen qamtý jónindegi departament dırektory Jeńisbek Dýlatov áńgimelep berdi. Sonymen qatar, jıynǵa «Altyn sapa» syılyǵynyń 2015 jylǵy laýreaty, «Elteks Alataý» JShS bas dırektory Nurlan Jánibekov pen «Qazaqstannyń úzdik taýary» respýblıkalyq kórme-baıqaýynyń 2015 jylǵy dıplomanty, «Rybprom» JShS dırektory Baqytjan Musanov qatysty.
– Qazaqstan Respýblıkasy Prezıdentiniń «Altyn sapa» syılyǵy baıqaýy «О́ndiristik maqsattaǵy úzdik kásiporyn», «Halyq tutynatyn taýarlar óndiretin úzdik kásiporyn», «Qyzmet kórsetý salasyndaǵy úzdik kásiporyn» atalymdary boıynsha ótkiziledi. Ár atalymda shaǵyn, orta jáne iri kásipkerlik sýbektileri turǵysynda úsh syılyq beriledi, – dedi J.Dýlatov. Onyń aıtýynsha, «Altyn sapa» baıqaýyna qatysýǵa 187 ótinim qabyldanyp, onyń ishinde 138 kompanııa aldyn-ala baǵalaýdan súrinbeı ótken. Bul baıqaýda 59 shaǵyn, 47 orta jáne 32 iri kompanııa baq synady. Al «Qazaqstannyń úzdik taýary» respýblıkalyq kórme-baıqaýy «О́ndiristik maqsattaǵy úzdik taýarlar», «Halyq tutynatyn úzdik taýarlar», «Úzdik azyq-túlik taýarlary» atalymdary boıynsha ótedi.
Ulttyq kásipkerler palatasy bıylǵy jyldyń 16 shildesi men 31 tamyzy aralyǵynda «Qazaqstannyń úzdik taýary» kórme-baıqaýlaryn ótkizip, olarǵa 674 shaǵyn, orta jáne iri kásiporyn qatysypty. Nátıjesinde 145 kompanııa respýblıkalyq saıysqa joldama alǵan. Mine, osy respýblıkalyq synda jeńiske jetkender tórt jyl boıy baıqaý belgisin jarnamalyq maqsatta qoldana alady.
«Atameken» Ulttyq kásipkerler palatasynyń «Isker» syılyǵy Qazaqstan Respýblıkasy Prezıdentiniń «Altyn sapa» syılyǵyn alýǵa arnalǵan baıqaý men «Qazaqstannyń úzdik taýary» respýblıkalyq kórme-baıqaýy aıasynda atalǵan syılyqtarǵa úmitker bolǵan, alaıda júldegerler qataryna ilikpegen konkýrsqa qatysýshylardy qosymsha yntalandyrý amaly retinde bekitilgen. 283 kásiporynnan aldyńǵy qatarly ozyq tájirıbesi yntalandyrý men qoldaýǵa laıyq 10 kásiporyn «Isker» baıqaýynyń jeńimpazdary atandy.
Bıylǵy jyldyń qarasha aıynda «Atameken» Ulttyq kásipkerler palatasy «Uly Dala eli» jalpyulttyq brendin qoldaný quqyǵyn tabystaýǵa baılanysty baıqaýdyń ótkiziletinin habarlaǵany belgili. «Uly Dala eli» belgisi elimizdiń betkeustar birtutas brendi sıpatynda sapaly ónim men qyzmetterdi biriktirýge múmkindik beredi. Bul bir jaǵynan, jeńimpazdarǵa arnalatyn qosymsha jeńildikterdi eskerer bolsaq, óndirýshilerdi jańa belesterdi baǵyndyrýǵa yntalandyrsa, ekinshi jaǵynan, Qazaqstannyń halyqaralyq dárejede tanymaldyǵyn arttyryp, bedelin nyǵaıtady.
Baıqaýǵa qatysýshylarǵa eksportqa beıimdilik, jergilikti qamtý úlesi, halyqaralyq marapattardyń bolýy, brend ataýy men Qazaqstannyń shetelde birdeı qabyldanýy sııaqty talaptar qoıyldy.
Shara barysynda 23 tilek bildirýshi taraptyń ótinimi qaralyp, iriktelgen 12 úmitkerdiń óndiris ornyna attanǵan komıssııa sapar qorytyndysynda altaýyn tańdap, olar Ulttyq palata saıtyndaǵy onlaın daýys berýge usynyldy. 2 jeltoqsanda daýys berý nátıjesi saraptalyp, úsh úzdik kásiporyn, joǵaryda keltirilgen baıqaý jeńimpazdary sııaqty 6 jeltoqsanda marapattalatyn bolady.
Dastan KENJALIN,
«Egemen Qazaqstan»