Eýrazııalyq ekonomıkalyq komıssııa alqasynyń tóraǵasy (EEK) Tıgran Sarkısıan Iran Islam Respýblıkasynyń Reseı Federasııasyndaǵy elshisi Medı Sanaımen birge Iran men Eýrazııalyq ekonomıkalyq odaq elderi arasynda erkin saýda aımaǵyn qurýǵa qatysty máseleni talqylady, dep habarlaıdy EAEO.
Tıgran Sarkısıannyń aıtýynsha, eki el arasynda erkin saýda aımaǵyn qurý - eýrazııalyq ıntegrasııalyq birlestik pen Iran arasyndaǵy áriptestiktiń mańyzdy bóligi. EEK alqasy tóraǵasy EAEO elderi Iranmen ekonomıkalyq yntymaqtastyq qurýǵa múddeli ekenin málimdedi. Odaqqa múshe memleketterdiń basshylary da Eýrazııalyq ekonomıkalyq odaq pen Iran arasyndaǵy qyram-qatynastardy tereńdetýdi qoldaıdy.
«Ekijaqty qarym-qatynastyń qos taraptyń da ekonomıkasyn alǵa súıreı alatyn áleýeti bar», - dedi EEK alqa tóraǵasy.
О́z kezeginde Mehdı Sanaı Irannyń Odaqqa múshe eldermen erkin saýda aımaǵyn qurýǵa erekshe yqylasty ekendigin jáne bul prosestiń múmkindiginshe jedel júrýin qalaıtyndyǵyn aıtty.
«Iran EAEO uıymyna múshe elderdiń barlyǵymen jaqsy qarym-qatynasta. Sondyqtan bizde tıimdi yntymaqtastyqty qalyptastyrý úshin barlyq sharttar bar»,-dedi Iran Islam Respýblıkasynyń Reseı Federasııasyndaǵy elshisi.
Kezdesý sońynda taraptar Mehdı Sanaıdyń Iranda ǵalymdar men isker top ókilderiniń qatysýymen EEK jumysyn nasıhattaý, EAEO jumysy men oǵan múshe eldermen aradaǵy ekonomıkalyq yntymaqtastyqtyń perspektıvalaryn bolashaǵyna qatysty konferensııa ótkizý bastamasyn qoldady.