2017 jyly Úlken Almaty aınalma avtokólik jolynyń qurylysy bastalady. Bul týraly búgin Úkimet otyrysynda ınvestısııalar jáne damý mınıstri Jeńis Qasymbek málim etti.
Qazirgi kezde «Alsım Alarko-Makıol-S-KorreıanEkspressVeı» Konsorsıýmymen kelisimsharttyq kelissózder júrgizilip jatyr. Jobanyń shamalanǵan quny 350,7 mlrd. teńgeden asady. Esepteýler boıynsha, Úlken Almaty aınalma avtomobıl joly 2021 jylǵa deıin salynyp bitedi.
«Almaty-Qorǵas» (Batys Eýropa – Batys Qytaı) avtojolynyń ýchaskesinde avtomobıl ótkizý beketiniń ınfraqurylymyn qurý jobasyna «Eurotransit Terminal» JShS jeke seriktesi bastama bildirgen. Onyń shamalanǵan quny 75 mlrd. teńge. Sarapshylardyń oń qorytyndysyn alǵan jaǵdaıda onyń qurylysyn kelesi jyly aıaqtaý kózdelip otyr. Aınalma avtojol qurylysynyń taǵy eki jobasyn 2019-2023 jyldary Ońtústik Qazaqstan oblysynda memlekettik-jekeshelik áriptestik aıasynda júzege asyrý kózdelip otyr, dep atap ótti spıker.
Arnur ASQAR, "Egemen Qazaqstan".