Astanada jańajyldyq mereke kúnderiniń qarsańynda «Qaýipsiz Jańa jyl» aksııasy bastaldy. Atalmysh shara qala turǵyndaryn órt qaýipsizdigi talaptaryn saqtaýǵa shaqyrýǵa baǵyttalǵan, dep habarlaıdy Astana ákimdigi.
Aksııa sheńberinde astanalyq TJ departamentiniń qyzmetkerleri halyq arasynda qaýipsizdikti nasıhattaý boıynsha jumystar júrgizedi: ınjenerlik-ınspektorlyq qurammen aýlalardy aralaıdy, azamattarǵa qaýipsizdik erejeleri nusqalǵan materıaldar taratady.
Qaıǵyly jaıttardyń basym bóligi mereke kúnderi oryn alady. Dál osy kúnderi qaraýsyz qalǵan balalar tek jaraqat alyp qana qoımaı, keı jaǵdaılarda kóz jumyp ta jatady. О́kinishke oraı, qutqarýshylar bundaı jaǵdaılarmen jıi kezdesedi: eresekterdiń salǵyrttyǵy ókinishti jaǵdaılardyń oryn alýyna sebep bolady.
Osy rette Astana qalasy TJD qala turǵyndary men qonaqtaryn eskertedi: órt qaýipsizdigi erejelerin qatań saqtańyzdar, pırotehnıkalyq buıymdardy qoldaný kezinde erejelerge nazar aýdaryńyzdar jáne balalardy qaraýsyz qaldyrmańyzdar. О́rt oryn alǵan jaǵdaıda «101» nemese «112» nómirleri boıynsha qońyraý shalý qajet.