Kúnniń kúrt jylynýy saldarynan Syrdarııa ózeni arnasynan asty, dep habarlaıdy 24.kz.
Keshe keshkilik Jalaǵash aýdanynda tasyǵan sý darııa boıyndaǵy bógetti buzyp ketti.
Endi ózen etegindegi Aqsý eldi mekeni qaýipti aımaqta qalyp otyr. Tótenshe jaǵdaılar departamenti shuǵyl kómekke umtyldy. Zardap shekkender joq. Kóp uzamaı bógettiń jyrylǵan tusy qalpyna keltirildi. Degenmen, birer mınýt buryn Jalaǵashtyń Daldabaı aýylynyń tusynan taǵy da 800 metr bógettiń buzylyp, sý jaıylǵany anyqtaldy.
Oqıǵa ornynda jedel shtab qurylyp, júzge jýyq tótenshelikter jumyldyryldy. Mamandardyń aıtýynsha, ózendegi sý deńgeıi áli de joǵary. Shardara sý qoımasynan Syrdarııaǵa 600 tekshe metr sý túsip jatyr. Qazir darııa boıyndaǵy 33 qaýipti aımaq anyqtalyp, barlyǵy da baqylaýǵa alyndy.