Búgin Elbasy Nursultan Nazarbaevtyń qatysýymen ótip jatqan jalpyulttyq telekópir barysynda Almatyda aıaq kıim shyǵaratyn fabrıka jumysy iske qosyldy. «Kazlegprom-Almaty» JShS-nyń ıtalıandyq tehnologııa boıynsha suryptamasy keń aıaq kıim óndirisin qolǵa alǵan. Atalǵan jobanyń quny - 300 mln teńge. Fabrıka jylyna 150 myń jup aıaq kıim shyǵarýdy josparlap otyr.
«О́zimizdiń jeńil ónerkásipti qoldaý kerektigin únemi aıtyp júrmin. Fabrıkalaryńda boldym. Jańadan óndiris shyǵarady degennen keıin jınalysqa senderdiń kostıýmdaryńdy kıip keldim. Aıaq kıimderińdi de satyp aldym. Qazir aıaǵymdy kóterip, kórsete almaımyn. Senderdiń aıaq kıimderińdi kórip otyrmyn. Osynda otyrǵan jurtshylyqqa, qazaqstandyqtarǵa ózimizdiń jeńil ónerkásipti qoldaý úshin óz taýarlarymyzdy satyp alýǵa shaqyramyn. Ary qaraı osyny óndirip, básekege saı bolyp, fransýzdardan da, ıtalıandyqtardan da kem shyǵarmaıtyn bolyńdar», - dedi Nazarbaev.
«Kazlegprom-Almaty» JShS-nyń dırektory Aıbek Bekturǵanovtyń aıtýynsha, bul fabrıka Prezıdenttiń ótken jyly Almatyǵa sapary barysynda bergen tapsyrmasy negizinde ashylǵan jáne ol qazaqstandyq aıaq kıim naryǵyndaǵy ımportty almastyrýdy qamtamasyz etedi.
Ashat RAIQUL, "Egemen Qazaqstan".