Astanada otandyq kásipkerlerdiń tól merekesi Indýstrııalandyrý kúnine oraı uıymdastyrylǵan Jalpyulttyq telekópir barysynda Qazaqstan Respýblıkasynyń Prezıdenti Nursultan Nazarbaev ındýstrııalandyrý baǵdarlamasy aıasynda birqatar nysandardaǵy óndiristi jáne jobalar qurylysyn iske qosty. Atap aıtar bolsaq, aldymen Temirtaýda domna peshi men Almaty-Shý temir joly, Quryq porty iske qosyldy.
"Ruqsat beremin. Bul úsh obekt biz úshin óte mańyzdy. Temirtaýlyqtarǵa úlken sálem joldaımyn. Ol jaqqa barmaǵanyma kóp boldy. Qaraǵandy mettallýrgııa kombınaty - bizdiń elimizdiń qara mettalýrgııasynyń tuǵyshy. Ol qazir jylyna 6 mln tonna bolat óndirýi kerek. Al tórtinshi domna peshiniń úlken jóndeýden ótkeni soǵan úmit syılaıdy", dedi N.Nazarbaev.
Sonymen qatar ol "Nurly jdol" baǵdarlamasy aıasynaǵy kólik qozǵalysy obektileri de qazaqstandyqtar úshin óte mańyzdy ekenin aıtty.
"Shý-Almaty joly poıyz qozǵalysyn eki ese tıimdi etedi. Osyny kópten beri qalaǵan edik. Mine, qazir júzege asyryldy, - dedi Elbasy. - Al Quryq biz úshin Kavkaz ben Eýropaǵa ashylǵan jol. Bul da kópten kútken joba. Ásirese, ındýstrııalandyrý úshin óte qajet. Barlyǵyn Táýelsizdiktiń 25-jyldyǵy aıasynda jetken jetistikterimizben quttyqtaımyn. Densaýlyq, sáttilik tileımin. Jumysqa kirisińider! Jobalardy iske qosyńyzdar!", dedi Elbasy.