Astanada otandyq kásipkerlerdiń tól merekesi Indýstrııalandyrý kúnine oraı uıymdastyrylǵan Jalpyulttyq telekópir barysynda Qazaqstan Respýblıkasynyń Prezıdenti Nursultan Nazarbaev gerbısıd shyǵaratyn zaýytty iske qosty.
«Asa qurmetti Prezıdent myrza! Bizdiń zaýytymyzdy ózińiz Táýelsizdiktiń 20 jyldyǵy qarsańynda qosqan edińiz. Búginde biz ónimniń 66 túrin shyǵaramyz jáne bizdiń aýyl sharýashylyǵymyzdyń qajettiligin tolyqtaı óteımiz», - dedi «AvgýstNan» jaýapkershiligi shekteýli seriktestiginiń basqarýshy dırektory Murat Sársembaev.
Sonymen qatar ol qazirgi ýaqytta óndiris óz ónimderin Reseıge eksportqa shyǵarýdy qolǵa alyp otyrǵanyn aıtty.
«Búgin biz úshin jańa kásiporyndy, tolyq áreket etetin gerbısıd óndirisi zaýytyn iske qosatyndyǵymyz jaıynda málim etý - zor mártebe. Bul bizdiń elimizdiń aýyl sharýashylyǵy taýarlaryn óndirýshiler úshin asa qajet. Kalıı tuzy óndirisi ımport almastyrýdy qamtamasyz etedi. Bul TMD aýmaǵyndaǵy iri ári tolyq avtomattandyrylǵan kásiporyndardyń biri bolady», - dedi Sársembaev.