QR IIM TJK saıtynda elimizdiń óńirlerindegi joldardyń jabylýyna qatysty aqparat jańartyldy. Qazirgi ýaqytta úsh jolda kólikter qozǵalysyna shekteý qoıylǵan, dep habarlady QazAqparat.
Shyǵys Qazaqstan oblysynda 5 jeltoqsan kúni saǵat 13:15-ten bastap aýa raıynyń buzylýyna baılanysty (qarly burqasyn) respbýlıkalyq mańyzy bar «Almaty-О́skemen» jolynda (971-1047 shaqyrymy aralyǵy, Qalbataý kentinen Ulan aýylyna deıin) qoǵamdyq jáne júk kólikteriniń qozǵalysy shekteldi.
6 jeltoqsanda saǵat 20:00-den bastap kún raıynyń buzylýyna baılanysty (boran, joldyń kórinbeýi) oblystyq deńgeıdegi «Kúrshim-Qaljyr» (0-131 shaqyrymy) jolynda barlyq kólikterdiń júrýine tyıym salyndy.
Qyzylorda oblysynda 6 jeltoqsanda saǵat 12:30-dan bastap joldy sý basyp ketýi saldarynan oblystyq deńgeıdegi «Jalaǵash-Josaly» avtojolynda barlyq kólikterdiń qozǵalysy shekteldi.