Búgin QR Premer-Mınıstriniń orynbasary – Aýyl sharýashylyǵy mınıstri A.I. Myrzahmetov QR Parlament Májilisiniń plenarlyq otyrysynda «Qazaqstan Respýblıkasynyń keıbir zańnamalyq aktilerine ósimdikter jáne janýarlar dúnıesi máseleleri boıynsha ózgerister men tolyqtyrýlar engizý týraly» Zań jobasyn tanystyrdy, dep habarlaıdy Aýyl sharýashylyǵy mınıstrligi.
«Atalǵan Zań jobasyn Aýyl sharýashylyǵy mınıstrligi orman sharýashylyǵy jáne janýarlar dúnıesi salasyndaǵy zańnamalardy jetildirý úshin 2016 jylǵa arnalǵan zań jobalaý jumystarynyń jospary aıasynda ázirledi», – dep atap ótti A.Myrzahmetov.
Zań jobasynda Orman, Sý jáne Ekologııalyq kodeksterdiń normalary men qorshaǵan ortany qorǵaý týraly zańnamany jetildirý máseleleri qarastyrylǵan.
Aıtalyq, Orman Kodeksine Qyzyl Kitapqa engizilgen ósimdikterdi tabıǵattan alý kólemderin bekitý jóninde Úkimetke quzyret berý usynylǵan. Bul rette, mundaı ósimdikterdi alý tek ǵylymı jáne olardyń kólemin kóbeıtý maqsattarynda ǵana júzege asyrylady.
«Bul shara ósimdikterdiń sırek kezdesetin jáne joıylyp bara jatqan túrleriniń aınalymy máselesin retteýge múmkindik beredi», – dedi Aýyl sharýashylyǵy basshysy.
Bir sý qoımasyndaǵy balyq jáne sý resýrstaryn paıdalaný quqyǵyn jeke jáne zańdy tulǵalarǵa bekitip berý tártibin naqtylaý boıynsha Sý kodeksine tıisti túzetýler engizý oılastyrylýda.
Al Ekologııalyq kodeks sheńberinde janýarlardy qonys aýdarý, ákelý jáne respýblıkadan tysqary jerlerge shyǵarý tártibin naqtylaý kózdelýde.
Sondaı-aq, ańshylyq sharýashylyǵynyń basty túri – jabaıy ań-qus ósirýdi damytý maqsatynda «Janýarlar dúnıesin qorǵaý týraly» Zańǵa «fermerlik ańshylyq sharýashylyǵy» túsinigin engizý josparlanýda.
Taǵy bir atap óterlik jaıt, «bıosferalyq rezervat» uǵymy jáne ony qurý men aımaqtarǵa bólý tártibi týraly normalar ulttyq zańnamany halyqaralyq talaptarǵa sáıkestendirýge múmkindik beredi. Qazirgi tańda IýNESKO sheshimimen barynsha qorǵalatyn úsh aýmaqqa «bıosferalyq rezervat» mártebesi berilgen.
Budan ári Vıse-Premer Orman zańnamasyn buzýshylardy ustaý kezinde toltyrylatyn qujattar úlgilerin bekitýdi ýákiletti organnyń quzyretine berýdi usyndy. Bul, tabıǵat qorǵaý zańnamasyn buzý jaǵdaıynda orman kúzeti qyzmetkerleriniń jedel áreket etýine múmkindik beredi.
Sonymen qatar, A.Myrzahmetov erekshe qorǵalatyn tabıǵı aýmaqtardy basqarýǵa jurtshylyqty tartý maqsatynda tabıǵat qorǵaý mekemeleri janynan Úılestirý keńesin qurý týraly normalaryn qabyldaýdy usyndy.
Budan bólek, ol halyq qalaýlylarynyń nazaryn ekologııalyq týrızmniń damýyn tejep otyrǵan ákimshilik kedergilerin joıýǵa aýdardy.
«Ulttyq parkterdiń aýmaǵynda ekologııalyq týrızmdi damytý jáne ákimshilik tosqaýyldardy joıý úshin týragentter bolyp tabylatyn jeke jáne zańdy tulǵalardyń aldymen lısenzııalar alýy boıynsha talapty alyp tastaý usynylyp otyr», – dedi A.Myrzahmetov.
Onyń aıtýynsha, atalǵan normalar buǵan deıin de Parlament qabyrǵasynda talqyǵa túsip, depýtattardyń qosymsha shyǵyndardy qajet etetin túzetýleri Respýblıkalyq bıýdjettik komıssııada qaralyp, ishinara qoldaý tapqan. Atap aıtqanda, orman sharýashylyǵy qyzmetkerleriniń jalaqysyn 25% kóbeıtýge Úkimetten kelisim berildi.
Baıandama sońynda A.Myrzahmetov depýtattardyń túzetýleri boıynsha Úkimet qorytyndysynyń Premer-Mınıstr Keńsesinde jan-jaqty pysyqtalyp jatqanyn jetkizdi.