Qazaqstanda joǵaryvolttyq elektr jetkizetin jańa jeliler iske qosyldy. Ortalyq kommýnıkasııalar qyzmetinde ótken baspasóz konferensııasynda Energetıka mınıstrliginiń elektr energetıkasy departamentiniń dırektory Baýyrjan Sársenov jańa elektr jelileriniń qurylys jumystary, qyzmeti men mańyzy jóninde áńgimeledi.
Onyń aıtýynsha, «KEGOC» aksıonerlik qoǵamy jańa jelilerdi «Soltústik-Shyǵys-Ońtústik 500 kV ÁJ salý» iri aýqymdy ınvestısııalyq jobasynyń birinshi kezeńi sheńberinde salyp shyqqan.
«500 kV jáne 220 kV elektr jetkizetin 700 shaqyrym jeliler, sondaı-aq 500 kV «Semeı», 500 kV «О́skemen» jáne 1150 kV «Ekibastuz» qosalqy stansııalary soltústikte óndiriletin elektr energııasyn Qazaqstannyń shyǵys óńirlerine jetkizetetin bolady», – dedi departament dırektory.
Ol sondaı-aq jobanyń el ekonomıkasyn damytý úshin asa mańyzdy ekenin atap ótti.
«Shyǵys Qazaqstan oblysynyń tutynýshylary osy ýaqytqa deıin qoldanyp kelgen Reseı BEJ jelileri arqyly ótetin jáne óńirdi energııa júıesimen jalǵaıtyn jelilerge qaramastan jańa jeliler arqyly elektr energııasymen qamtamasyz etetiletin bolady. Bul elimizdiń energetıkalyq qaýipsizdigin qamtamasyz etý jaǵynan kelgende óte mańyzdy», – dedi B. Sársenov.
Aıdar О́RISBAEV,
«Egemen Qazaqstan»