Aqtóbedegi arnaıy operasııa kezinde qylmystyq toptyń birneshe múshesi quryqtaldy. Olar munaı urlaýmen aınalysqan, dep xabarlaıdy QR Ulttyq qaýipsizdik komıteti.
«Jeltoqsannyń 7-si kúni Ulttyq qaýipsizdik komıteti, sybaılas jemqorlyqqa qarsy Ulttyq bıýro men ishki ister mınıstrligi Aqtóbe oblysynda, eldiń birqatar aımaqtarynda munaı urlaý men munaı ónimderiniń zańsyz saýdasymen aınalysatyn uıymdasqan qylmystyq toptardy quryqtaý operasııasyn bastady. Shuǵyl izdestirý sharalary barysynda munaı urlaýmen aınalysqan birneshe adam ustaldy. Olardan munaı men munaı ónimderi bar avtosısternalar tárkilendi. Budan bólek, radıkaldy salafıtterden quralǵan qylmystyq toptyń músheleri qamaýǵa alyndy. Olar munaı urlaǵandarǵa «qamqorshylyq» jasaǵan», - delingen resmı xabarlamada.
Ulttyq qaýipsizdik komıtetiniń xabarlaýynsha, qazirgi kezde kúdiktiler turatyn úılerde tintý sharalary júrgizilip jatyr. Sondaı-aq urlanǵan munaıdy zańdastyrýmen aınalysqan kásiporyndar tekserilýde. Komıtet tergeýdiń nátıjesin jarııalaýdy josparlap otyr.
Aıta keteıik, búgin buqaralyq aqparat quraldarynda «Aqtóbedegi munaı óndirý zaýyty mańaıynda arnaıy operasııa ótip jatyr» degen aqparat taraǵan bolatyn.