Qazaqstan Prezıdenti Nursultan Nazarbaev Qashaǵannyń resmı tanystyrylymy kezinde Donald Tramppen ne jaıly áńgimeleskenin aıtty, - dep habarlaıdy Tengrinews.kz.
"О́zderińiz bilesizder, taıaýda jańadan AQSh-tyń prezıdenti bolyp saılanǵan Tramppen sóılestim. О́zimizdi maqtamaı-aq qoıaıyq... Ol jańa adam, biraq oǵan bizdiń munaıshylar málimet bergen bolýy kerek. Ol "Sizder Qazaqstanda ǵajaıyp jasadyńyzdar" dedi. Muny men emes, Tramp aıtty. Bul jetistiktiń uly tarıhy", - dedi Memleket basshysy.
Elbasy osy jyldary myqty memleket qurylǵanyn atap ótti.
"О́zderińiz kórip otyrsyzdar, mende jumys kestesi óte tyǵyz. Soǵan qaramastan, ashylǵanymyz týraly búkil álemge jar salý úshin keldim. Keıbireýler "bul munaı baǵasyna áser ete me?" dep surap jatyr. Kele-kele kóre jatarmyz. Qazir bıýdjetti barreline 30-40 dollar aıasynda bolǵan jaǵdaıǵa quryp otyrmyz", - dedi Qazaqstan Prezıdenti.
Sonymen qatar, Elbasy Atyraý turǵyndarynyń jetistikterine joǵary baǵa berdi.
"Qazir atyraýlyqtar múldem basqa adamdar, sheteldik fırmalarda jumys isteıtin ınjenerlermen birge qyzmet etetin, kúrdeli óndiristerdi isteıtin, shet tilderin biletin myqty mamandar, osyndaı adamdar eldi damytady", - dedi ol.