Qurlyqtyq hokkeı lıgasynyń turaqty chempıonatynda Astananyń «Barysy» Ekaterınbýrgte jergilikti «Avtomobılıst» komandasymen kezdesip, 4:3 esebimen jeńiske jetti.
Jankúıerler tartysty básekeniń kýási boldy. Kezdesýdiń 6-mınýtynda «Barys» sapynan Ivan Kýchın esep ashsa, 12-mınýtta Roman Starchenko esepti eseledi.
Matchtyń ekinshi kezeńinde barlyǵy tórt shaıba soǵyldy. 24-mınýtta aıdyn ıelerinen Artem Gareev esep aıyrmasyn qysqartqanmen, elordalyqtar 28-mınýtta eki shaıba aıyrmasymen qaıtadan alǵa shyqty. Bul joly Korı Trıvıno nátıjeli soqqynyń avtory atandy. Astanalyqtardyń oıynshy basymdyǵyna ıe bolǵanyn aıta ketken jón. Aıdyn ıeleri namysqa tyrysyp, 30-mınýtta Alekseı Sımakovtyń kómegimen ekinshi shaıbalaryn soqty. Al 36-mınýtta Konstantın Pýshkarevtiń soqqysy kózdegen jerinen dál tabylyp, «Barystyń» sońǵy ári jeńisti golyn soqty.
Úshinshi kezeńde «Avtomobılıst» hokkeıshileri taǵy bir márte shaıba soqty. Oıynshy basymdyǵyn paıdalanyp, 43-mınýtta Artem Gareev mergendigimen kózge tústi. Alaıda, budan keıin qansha tyrysqanmen, tablodaǵy esep tóreshiniń ysqyryǵy estilgenge deıin ózgerissiz qaldy.
Osylaısha, elordalyqtar maýsymdaǵy 17 jeńisine qol jetkizdi. Edýard Zankovestiń shákirtteri 50 upaımen «Shyǵys» konferensııasynda 10-orynda keledi. Kelesi kezdesýin 9 jeltoqsan kúni «Iýgra» komandasymen ótkizedi.