Ushqyr ushaq

Qorǵanys mınıstri   Sý-27-men Aqtaýǵa  keldi Qazaqstan Respýblıkasynyń Qor­ǵanys mınıstri Ádilbek Jaq­­sy­bekov iri kólemdi birlesken «Ortalyq-2011» strate­gııa­lyq jattyǵýy ótetin  aýdanǵa dy­­bys­tan da jyldam qozǵa­la­tyn jetildirilgen tórt qosý Sý-27 joıǵysh ushaǵymen ushyp shyqty. Bul Batysta ashylǵan Qazaqstan Res­pýblıkasy Áýe qorǵanysy kúsh­teriniń jańa avıasııa bazasyna jaýyngerlik mashınanyń tuńǵysh ret qanat qaǵýy. Avıabazanyń basty mindeti – bizdiń elimizdiń kóktegi jáne teńizdegi shepteriniń qaýip­sizdigin qamtamasyz etý. Bul ushýdyń erekshelikterin sóz etken kezde, onyń dybystan da jyldam qozǵalǵanyn, al bıiktigi on myń metrden joǵary bol­ǵanyn atap ótý qajet. Ushaqtar «juptasa» ushty, ekinshi qanatty mashınamen Áýe qorǵanysy kúsh­­teriniń bas qolbasshysy general-leıtenant Aleksandr Sorokın ushty. – О́zderińiz bilesizder, erteń «Ortalyq-2011» jattyǵýynyń she­shýshi kezeńinde qazaqstandyq qa­rýly kúshterdiń armııalyq jáne maıdandyq   áskerı ush­qysh­­tary mynandaı Sý-27 jáne basqa jaý­yngerlik mashınalarǵa minip qurlyqtaǵy jáne teńizdegi jaý­yn­gerlerimizge qoldaý kórse­tip, áýeden soqqy beretin bolady. Qazirgi kezde bizdiń Áskerı-áýe kúshteri tek kóp maqsattaǵy Sý-27 ushaǵymen ǵana emes, basqa da  jetildirilgen  zamanaýı ushý ap­pa­rattarymen jabdyqtalǵan. О́z­­derińiz kórip turǵandaı jańa avıabaza ashylýda, tehnıkalyq-paı­dalaný bólimderimen,  ýaqy­ty­myz­ǵa qajetti ınfraqurylym  ja­salýda. Ekinshi mańyzdy quramdas bólik bul jaýyngerlik ázirlik – ushý quramynyń sheberligi men úıretilgendigi. Búginde qazaqstandyq  Áskerı áýe kúsh­te­riniń ushý deńgeıi TMD elderi ishinde eń joǵary ekendigin atap ótýge tıispin, – dedi Á.Jaq­sybekov. Qorǵanys vedomstvosynyń bas­shysy dybystan da jyldam ushaqpen alǵashqy ushý saparyn ózimen birge júzege asyrǵan qos ekıpaj múshelerine alǵysyn bildirdi. Kóp maqsattaǵy, jaqsar­tyl­ǵan, tereń jetildirilýden ótken Sý-27 ushaǵy alys-jaqyn qa­shyqtyqta áýede urys júrgizýge, ushatyn jáne ushqyshsyz usha­tyn áýe nysanalaryn, jerdegi ny­san­dardy, jaýdy qarý-jara­ǵy­men  adamdarymen joıyp jiberýge arnalǵan. Sý-27 ushaǵy  aýa raıynyń kez kelgen qubylmaly jaǵdaıyna qa­ra­­mas­tan jaýyngerlik tapsyr­ma­ny oryndaýǵa qabiletti jáne onyń álemdegi eń tamasha  ushaq ekendigi zańdylyq. Júnis OMAR, Qorǵanys mınıstrligi baspasóz qyzmetiniń bólim bastyǵy, polkovnık. Sýretti túsirgen  Ermek Sarbasov.