Kásibiń – násibiń

Eńseli el ekonomıkasynyń damýy, árıne, kásipkerlik sala­sy­men tyǵyz baılanysty. Búgingi kúni oblys kóleminde shaǵyn jáne orta bıznesti damytý Qazaqstan Respýblıkasy Prezı­den­tiniń Joldaýynan týyndaǵan 2010-2014 jyldarǵa arnalǵan memlekettik údemeli ındýstrııalyq-ınnovasııalyq damý, «Bız­nes­tiń jol kartasy-2020», Úkimettiń «2010-2014 jyldarǵa ar­nalǵan qazaqstandyq qamtýdy arttyrý jónindegi», Jańa Keden odaǵy bıznesti júrgizýde ákimshilik kedergilerdi azaıtý, «Jumyspen qamtý-2020», t.b. baǵdar­la­ma­lar, is-sharalar aıa­syn­da júrgizilýde.

Elbasynyń tapsyr­ma­­­sy boıynsha aımaqta jú­ze­ge asyrylyp jatqan ın­­­­dýstrıalyq-ınno­va­sııa­lyq joba­la­r­dyń mańyzy erekshe. 2010 jyly jal­­­­py somasy 26,0 mıllıard teńgeni quraıtyn 11 joba iske qosylyp, ja­ńadan 401 ju­mys orny ashylsa, taıaýdaǵy jyl­dary oblys óńirinde 54 joba jú­zege asyrylady. Qazirdiń ózinde 22 joba qolǵa alynyp, qazy­­ǵy qaǵy­lyp, kirpishi qalanyp jatyr.

Shaǵyn jáne orta bızneske bir­­den-bir úlken kómek kórsetip, jol ashyp otyrǵan «Bıznestiń jol kar­ta­sy-2020» baǵdarlamasy aıasynda bizdiń oblysqa respýblıkalyq bıýd­jetten 3,0 mıllıard teńgeden astam qarjy bólindi.

Osyndaı kómekke ıe bolǵan jo­balardyń biri – saýyqtyrý keshenin salǵan (jabyq basseın men fıt­nes ortalyǵy) «Temirhan» JShS eke­nin aıta ketken abzal. Eski ǵı­marattyń ornyna 300 oryndyq balabaqsha salǵan «Symbat Oıl», temir-beton ónimderi óndirisin ke­ńeı­tý­ge kirisken «AdemJan» kom­pa­­nııa­larynyń da eńbegi eren. Son­daı-aq, bul baǵdarla­ma­nyń basqa da múmkin­dik­teri arqyly kásipker­leri­mizge servıstik qol­daý qyzmetteri tegin kór­se­ti­lýde, «Nazarbaev Ýnı­ver­sıteti» baza­syn­da ká­sip­kerlerdiń biliktiligi art­ty­rylýda.

Sonymen qatar, «О́n­diristik ınfraqu­ry­lym­dy damytý» baǵyty boıynsha byl­tyr­dan bastap kásipkerlerimiz úsh­in ma­ńyzdy bolyp tabylatyn ón­er­kásip alańy, ındýstrııalyq aı­maq jáne «Qambash demalys» aıma­ǵy uıym­dastyrylyp jatyr.

Memleket tarapynan kórsetil­gen qamqorlyqqa bıznes ókilderi jaý­ap retinde áleýmettik jaýapkershilikti arttyrý baǵytyndaǵy is-sharalardy belsene uıymdas­tyrý­da. Jyl saı­yn­ǵy ótkiziletin qaıy­rym­dylyq ak­sııa­lary, «Syr meıirimi», «Júrek jylýy», mektep jár­meń­ke­si, baǵany turaqtandyrý ba­ǵy­tyn­da­ǵy is-sha­ra­larda, tipti bas­qa oblys­tar­da bolǵan apattarǵa da óz qam­qorlyqtaryn belsene kórse­tip, oblys ekonomıkasyn damytýǵa qo­maqty úles qosyp otyr.

Qazaqstan Respýblıkasy táýel­siz­diginiń 20 jyldyǵy qarsańynda yntymaǵy jarasqan elimizge ty­nysh­tyq, bereke-birlik pen damý jo­lynda bıik belesterden kórine berýine tilektestik bildiremin.

Almas TURTAEV, Qazaq­­stannyń «Atameken» ulttyq ekonomıkalyq pala­­­ta­­sy Qyzyl­­­orda fılıalynyń dırektory.