Qazaqstan Respýblıkasy Úkimetiniń qaýlysy №942

2011 jylǵy 23 tamyz   Astana, Úkimet úıi

О́simdik maıynyń jekelegen túrlerin shyǵarýǵa ýaqytsha tyıym salý týraly

2008 jylǵy 25 qańtardaǵy Úshinshi elderge qatysty tarıftik emes retteýdiń biryńǵaı sharalary týraly kelisimniń 9-babyna jáne 2009 jylǵy 9 maýsymdaǵy Úshinshi elderge qatysty biryńǵaı kedendik aýmaqta taýarlardyń syrtqy saýdasyn qozǵaıtyn sharalardy engizý jáne qoldaný tártibi týraly kelisimniń 8-babyna sáıkes azyq-túlik taýarlarynyń ishki naryǵynda kúrdeli tapshylyq pen baǵa ósýin boldyrmaý maqsatynda Qazaqstan Respýblıkasynyń Úkimeti qaýly etedi: 1. Osy qaýlyǵa qosymshaǵa sáıkes ósimdik maıynyń jekelegen túrlerin shyǵarýǵa tórt aı merzimge ýaqytsha tyıym engizilsin. 2. Qazaqstan Respýblıkasy Qarjy mınıstrliginiń Kedendik baqylaý komıteti kedendik deklarasııalaýdy júzege asyrý kezinde osy qaýlynyń 1-tarmaǵynyń oryndalýy boıynsha baqylaýdy qamtamasyz etsin. 3. Qazaqstan Respýblıkasy Ekonomıkalyq damý jáne saýda mınıstrligi belgilengen tártippen: 1) osy qaýlynyń 1-tarmaǵynda kórsetilgen tyıym salýdy engizý týraly Keden odaǵyna qatysýshy memleketterdi, sondaı-aq Keden odaǵy komıssııasynyń Hatshylyǵyn habardar etsin; 2) Keden odaǵy komıssııasynyń qaraýyna osy qaýlynyń 1-tarmaǵynda kórsetilgen sharalardy Keden odaǵyna qatysýshy basqa memleketterdiń qoldanýy týraly usynys engizsin. 4. Qazaqstan Respýblıkasy Syrtqy ister mınıstrligi kúntizbelik on tórt kún ishinde Eýrazııalyq ekonomıkalyq qoǵamdastyqtyń Integrasııalyq komıtetiniń Hatshylyǵyn Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly habardar etsin. 5. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV

Qazaqstan Respýblıkasy Úkimetiniń 2011 jylǵy«23» tamyzdaǵy № 942 qaýlysyna qosymsha

Shyǵarýǵa ýaqytsha tyıym salynatyn ósimdik maılary

R/s №

Pozısııa ataýy

SEQ TN kody

1

Tazartylmaǵan nemese tazartylǵan, biraq hımııalyq quramy ózgermegen kúnbaǵys, maqsary nemese maqta maıy jáne olardyń fraksııalary: shıki maı

1512 11

2

Tazartylmaǵan nemese tazartylǵan, biraq hımııalyq quramy ózgermegen kúnbaǵys, maqsary nemese maqta maıy jáne olardyń fraksııalary: ózgeleri

1512 19