Kongreske «IDFashhion» halyqaralyq telearnasynyń bas prodıýseri Vasılıı Klımchýk, «Atameken» UKP Isker áıelder keńesiniń tóraıymy Lazzat Ramazanova, Qazaqstan Respýblıkasy Prezıdentiniń janyndaǵy Otbasy jáne áıelder isteri jónindegi ulttyq komıssııasy Tóraǵasynyń orynbasary Lazzat Sýleımen, memlekettik organdar men bıznes-qoǵamdastyq ókilderi qatysady.
«Qazaqstan bıznes-ıdeıalar jeruıǵy» atty kongress «Atameken» UKP Sezi aıasynda Qazaqstan Respýblıkasy Prezıdentiniń janyndaǵy Otbasy jáne áıelder isteri jónindegi ulttyq komıssııasy qoldaýymen ótkizilmek. Kongress maqsaty – isker áıelderdiń ekonomıka salasyndaǵy múmkindikterin keńeıtý boıynsha suraqtardy talqylaýǵa, áıelderdiń eńbek naryǵyndaǵy básekeligin arttyrýǵa baǵyttalǵan.
Áıel-kásipkerlerdiń ekonomıkalyq belsendiligin yntalandyrý, áıelderdiń jeke kásipkerlikke aralasýyn, olardyń ekonomıkalyq bastamalaryn qoldaý jáne ekonomıkalyq múmkindikterin keńeıtý keńestiń basty mindeti. Uıymda 700 -den astam kásipker áıel múshelikte.