Jınaqqa Súıeýbaı Baıqadıulynyń jýrnalıstik qyzmet qorjynyna jarty ǵasyr boıy jınalyp, baspasózde jarııa kórgen pýblısıstıkasynyń tańdaýlylary iriktelip, kópshilik nazaryna usynylypty. Jınaq keshegi qolyna qalam alǵan on tórt jasar jetkinshekten, búgingi nemere súıip, urpaq órbitken ýlken bir áýlettiń otaǵasy, aqsaqaly, salıqaly el azamatyna aınalǵan Súıeýbaı Baıqadıulynyń týǵan eli men jerine, eńbek adamdaryna degen ystyq yqylasynan týǵan ólkeniń ózekti máselelerin kóteretin týyndylarynan turady. Sharaǵa qalanyń ishki saıasat bóliminiń qyzmetkerleri, jýrnalıster qaýymy qatysyp, etnograf-tarıhshy Muhametqazy Muhamedıuly men aqyn Muratbek Ospanov, «Zııatkerlik» baspa úıiniń dırektory, ǵalym A.Qudaıbergenov jáne taǵy basqalary qalamger shyǵarmashylyǵy jaıly oı bólisip, ystyq lebizderin bildirdi. Kitaphana qyzmetkerleri ázirlegen «Aqsháýliniń aqıyq qalamgeri- Súıeýbaı Baıqadıulynyń shyǵarmashylyǵyna 50 jyl» atty basylymdar kórmesi men osy taqyrypta jasalǵan slaıd kórsetilimi kórermenniń kóńilinen shyqty. Súıeýbaı aǵanyń «Qosh bol, aqqý» novellasynan bastap jarııa kórgen avtordyń barlyq kitaptary men pýblısıstıkasy, jarııalanǵan baspasóz basylymdary kópshilik nazaryna usyndy. Sharaǵa Shákárim ýnıversıtetiniń jýrnalıstıka fakýlteti men Semeı qarjy kolledjiniń stýdentteri qatysyp, qyzyqty da qıyn, jaýapkershilikti jýrnalıst mamandyǵy týraly Súıeýbaı aǵanyń áńgimelerin estidi.
Raýshan Nuǵmanbekova.
Semeı
Sýretterdi túsirgen avtor.