Sharaǵa QHA Tóraǵasynyń orynbasary Darxan Myńbaı, Parlament Májilisiniń depýtattary, EKSPO-2017 kórmesine kelgen sheteldik qonaqtar, QHA ǵylymı-saraptamalyq keńesiniń músheleri, dıplomatııalyq korpýstyń, memlekettik organdardyń, etnomádenı birlestikterdiń ókilderi, zııaly qaýym ókilderi qatysty.
Saltanatty jıynda alǵysózdi alǵan Memlekettik xatshy Gúlshara Ábdiqalyqova dúnıe júzinde ultaralyq kıkiljiń saldarynan bolyp jatqan problemalar jaıly, sondaı-aq Qazaqstannyń beıbit ómir súrýiniń basty sebebin aıtyp ótti.
– О́zderińiz bilesizder, Elbasy N.Nazarbaev Semeı ıadrolyq polıgonyn jaýyp, álem jurtyn alapat qasiretten qutqardy. Búginde Ortalyq Azııada ıadrolyq qarý joq. Sebebi, bul aımaqta atom energııasyn beıbit maqsatta ǵana paıdalanýǵa bolady. Degenmen, Qazaqstanda odan da qýatty energııa bar ekenin aıta ketkim keledi. Ol – birlik, beıbitshilik pen kelisim energııasy. Biz osy baǵyttaǵy baı tájirıbemizben, dostyq pen ózara senim energııasymen bólisýge daıynbyz, – dedi Gúlshara Ábdiqalyqova.
Sharaǵa qatysqan Germanııa mádenıetaralyq baılanys ortalyǵynyń dırektory Konstantın Shamber Qazaqstanda týyp-ósip, osy mekenniń tárbıesin boıyna sińirgenin erekshe atap ótti. Sábı kúninde tarıhı otanyna kóship ketkenmen, týǵan eline degen ańsary aýyp, jıi kelip turatynyn málimdedi.
– Qansha degenmen týǵan elimniń orny bólek. Astanaǵa ár kelgen saıyn eriksiz tań qalyp qaıtamyn. Qazaq eli kún sanap damyp bara jatqanyn baıqaımyn. Osy qarqynymen jalǵastyra berer bolsa, Qazaqstan damyǵan elderdiń qatarynan kórinerine senimim mol. Álemniń birqatar elderin aralap kórdim. Biraq dál qazaq halqyndaı ózge ult ókilderine meıirimmen qaraǵanyn baıqamadym. Osy jaǵynan tipti, Germanııanyń da Qazaqstannan úıreneri kóp dep aıtar edim. Sebebi, Almanııa eli qansha deńgeıde damyǵanmen, tuıyq minezdi xalyq. О́zge ult ókilderine Qazaqstandaǵydaı kóńil bólmeıdi. Oǵan birer jyl buryn kóship kelgen bosqyndardyń jaı-kúıi birden-bir dálel, – dedi Konstantın Shamber.
Al Qazaqstandaǵy ázerbaıjandar qoǵamynyń tóraǵasy Abılfas Hamedov jer aýdarylyp kelgen áke-sheshesiniń turmys-tirshiligin, qazaq xalqynyń tıgizgen kómegin qysqasha baıandap berdi.
– О́tken ǵasyrdyń otyzynshy jyldary áke-sheshem Maqtaaral jerine deportasııalanyp keldi. Isherge asy, kıerge kıimi, turatyn úıi bolmaǵan. Sol kezeńde qazaqtyń da jaǵdaıy múshkil edi. Degenmen, sondaı kúıine qaramastan ár úı bir otbasydan bólip alyp, baýyrlaryna basty. Qazaqtyń osyndaı darhan kóńili búginde bizdiń jer basyp, tirshilik etip júrgenimizge sebepshi bolyp otyr, – dedi Abılfas Hamedov.
Jıyn barysynda Qazaqstan xalqy Assambleıasynyń qurylý tarıxy, onyń maqsaty men búgingi mindeti arnaıy ázirlengen beınematerıal arqyly kórsetildi. Sharaǵa jınalǵan qaýym xalqymyzdyń ulttyq taǵamdarynan dám tatyp, qazaq jerinde turatyn túrli ulttardyń salt-dástúrleri, ádet-ǵuryptarymen keńinen tanysyp shyqty.
«Beıbitshilik jáne kelisim energııasy» atty jıyn aıasynda Qazaqstan halqy Assambleıasynyń Beıbitshilik jáne kelisim alleıasy ashyldy. Saltanatty sharada Memlekettik hatshy Gúlshara Ábdiqalyqova sóz sóıledi.
– Ortalyq Azııada alǵash ret elimizde ótip jatqan EKSPO halyqaralyq mamandandyrylǵan kórmesinde kúlli álemniń bolashaq energııasy salasyndaǵy sońǵy jetistikteri men zamanaýı tehnologııalary kórsetilip jatyr. Elimizdiń atyn dúnıe júzine aıshyqtaıtyn jahandyq shara aıasynda Qazaqstan halqy Assambleıasynyń alleıasyn ashyp otyrmyz. Bul – tatýlyq pen birliktiń sımvoly ispetti. Beıbitshilik pen kelisim energııasy – ǵalamshardaǵy eń taza ári ıgilikti energııa ekeni aıan. Osy alleıamen júrgen árbir adam qazaq halqynyń qonaqjaılyǵy men baýyrmaldyǵyn júregimen sezinip, elimizde ornyqqan beıbit ómirdiń shýaǵyn álemge taratady degenge senemiz,– dedi Memlekettik hatshy.
Alleıa ashylýynda etnomádenı birlestikter men shyǵarmashyl jastardyń teatrlandyrylǵan sherýi, halyqtyq qoldanbaly óner sheberleriniń «Sheberler aýyly» kórme-jármeńkesi, «Alǵa, Qazaqstan!» fleshmoby ótti.
Qymbat TOQTAMURAT,
Aıan ÁBDÝÁLI,
«Egemen Qazaqstan»
Sýretterdi túsirgen
Erlan OMAROV,
«Egemen Qazaqstan»