Sonymen qatar, Shevron kompanııasynyń qoldaýymen Astana qalasy IýNESKO klýby – Balalar kórkemsýret mektebi osy taqyrypta uıymdastyrǵan respýblıkalyq saıystyń jeńimpazdary marapattaldy.
EKSPO-2017 halyqaralyq mamandandyrylǵan kórmesiniń ashylýyna oraı uıymdastyrylǵan saıystyń taqyryby «Bolashaqtyń energııasy» taqyrybyna sáıkes bolýy kezdeısoqtyq bolmasa kerek. Bul jarys jetkinshekterge qorshaǵan ortany qorǵaý, ekologııalyq mádenıetke tárbıeleý jáne keleshek urpaq arasynda beıneleý ónerdi nasıhattap, shyǵarmashylyq qabiletterin arttyrý maqsatynda uıymdastyryldy.
Saıysqa barlyǵy 250 jumys kelip tústi. Qatysýshylardyń basym bóligi Qazaqstannyń ár óńirindegi kórkemsýret jáne óner mektepteriniń túlekteri. Ádil-qazylar alqasyna QR Sýretshiler odaǵy, óner qaıratkerleri, sondaı-aq QR eńbek sińirgen sýretshileri qatysty. Olardyń qatarynda Tatarstannyń Halyq sýretshisi K.Býllaev, QazUО́Ý-diń «Keskindeme jáne músin» kafedrasynyń meńgerýshisi J.Júkenov bar.
Jarys qorytyndysy boıynsha, 12-14 jas aralyǵynda bas júldeni Dıana О́tetileýova (Aqtóbe) ıemdense, birinshi oryndy Adııa Nasybýllına (Almaty) aldy. Ekinshi jáne úshinshi oryndarǵa tıisinshe, Iýlııa Moıseı (Pavlodar) men Asan Qaırollaqyzy (Almaty) laıyq dep tanyldy.
15-16 jas aralaǵynda gran-prıge Alına Ýtaeva (Astana) qol jetkizdi. Birinshi oryn Elena Kladchenkoǵa (Lısakovsk) berilse, ekinshi oryndy Zarına Táýekel (Shahtınsk) mise tutty. Úzdik úshtikti Dılara Aqylbaı (Shymkent) túıindedi.