«Qazaqstanda kásipodaqtardyń eki respýblıkalyq birlestigi bar, onda 3 mln astam jumysker tirkelgen. Bul elimizdiń barlyq jaldamaly jumyskerleriniń shamamen 50%. Budan ózge, 38 salalyq, 23 aýmaqtyq jáne 404 jergilikti kásipodaq birlestigi bar», - dep málimdedi vıse-mınıstr.
QR Kásipodaqtar federasııasynyń tóraǵasy Ábilǵazy Qusaıynov Federasııada búgingi tańda 2 mln-ǵa jýyq jumysker baryn jetkizdi. Ásirese QR Eńbek kodeksi qabyldanǵannan keıin jumyskerler Federasııa qataryna belsendi qosyla bastaǵan. Jyl saıyn olardyń músheleriniń sany 70 myńǵa deıin artyp keledi.
«Problemaly qubylystar bar jerlerde kásipodaqtar qurý qajet. Bul eń aldymen Eńbek kodeksine qatysty barlyq máseleler boıynsha óz-ózin qorǵaı alatyn ujym», - dep esepteıdi Á. Qusaıynov.