Semeı áýejaıy qaıta jóndeledi

Túbegeıli jóndeý úshin búginde «Nurly jol» baǵ­darlamasy arqyly 10,197 mlrd teńge  bólinip otyr.  Aıta ketý kerek, Semeı  áýejaıy Qazaqstandaǵy eń bir problemasy kóp, shyǵynǵa batqan ári kúrdeli jóndeýdi qajet etetin áýejaılardyń  biri bolyp sanalady. Eger áýejaıdy tıisti ın­fraqurylymymen birge jón­deý­den ótkizse, jolaý­shy­lardyń qa­tary tórt esege ulǵaıýy múmkin. О́z elimizdiń ishinde ushyp-qoný bylaı tursyn, Ońtústik Shyǵys Azııa men Eýropa elderine qatynaıtyn áýe jolynyń tranzıttik baǵytynda qyzmet kórsetpek. Qazirgi ýaqytta Semeıden tek birneshe baǵytqa ǵa­na avıamarshrýt bar eken. Iаǵnı, Astana, Almaty, Máskeý, О́skemen qa­la­laryna ǵana ushýǵa bolady. Aý­dandardan halyq Úrjar óńirine kó­birek shyǵady. О́tken jyldyń jel­toq­san aıynda aerodromda jóndeý jumystary bastalyp ta ketti.  Semeı áýejaıynyń dırektory Nurtaı Ospanovtyń aıtýynsha, «Nurly jol» baǵdarlamasy ar­qyly jóndeý jobasy 22 aıǵa laı­yqtalǵan. Eń sońynda halyq­ara­lyq IKAO standarttaryna jaý­ap bere alatyn áýejaı atalyp, bar­lyq talaptardan ótken soń ha­lyq ıgiligine beriledi. Sóıtip, Semeı halyqaralyq tasymalda ma­ńyzy bar jol aıryǵy bolyp sa­nalmaqshy. Semeıge Úkimet bas­shy­sy Baqytjan Saǵyntaev kelgen kezde de osy máseleler anyq aıtyldy. Aldaǵy ýaqytta ushaqtar ushyp-qonatyn alań 2,7 shaqyrymnan 3,3 shaqyrymǵa deıin uzartylýy múmkin. Jáne jańadan apattan qutqarý stansasy iske qosylatyn boldy. Sondaı-aq, ishki kommýnıkasııa júıesi tolyǵymen jóndeledi. Atalmysh áýejaı «V» kategorııa­ly topqa jatady. Onyń aýdany 3 500 sharshy metr. Aerojúıe jumysyn 136 adam atqarady. Áýejaı aldaǵy ýaqytta 70 000  jolaýshyǵa qyz­met kórsete alady, onyń ishinde 80 paıyzy ishki áýe qatynasy desek, ha­lyqaralyq baılanys úlesinde 20 paıyz. Jańarǵan áýejaı jylyna 4 myńǵa deıin avıareıs jasaı almaq. Bunda buryndary tek myń shaqty ǵana avıareıs ja­sa­­latyn. Premer-Mınıstr Baqytjan Saǵyntaev áýejaıdyń jo­­ba-josparymen ta­nys­qannan keı­­in «Bul óńirde Semeı, О́skemen aý­­maǵynda ǵana 820 myń adam tu­ra­dy. Sondyqtan da, avıareıs sany 4 myńnan da kóbirek bolýy qajet», dep naqtylady.

Raýshan NUǴMANBEKOVA, jýrnalıst

Semeı