Búgingi tańda «QazAgro» UBH» AQ qurylymyna enetin «QazAgroQarjy» aksıonerlik qoǵamyna kóktemgi-dala jumystaryn júrgizý úshin jalpy somasy 15 mıllıardtan asa teńgege aýyl sharýashylyǵy tehnıkasyn jáne jabdyqtar satyp alýǵa 1269 ótinim tústi. Bul týraly «QazAgroQarjy» AQ baspasóz qyzmeti habarlady.
Agrarshylarmen jalpy somasy 9,2 mlrd teńgege 744 qarjy lızıngi sharty endigi jasalyp ta qoıǵan. Jasalǵan sharttardyń sheńberinde fermerler 463 traktor, 126 tuqym sepkish, 13 egis keshenin jáne 142 birlik ózge de tehnıkalardy satyp aldy.
О́tinimderdiń kópshilik bóligi – 172 ótinim Astana qalasyndaǵy Ortalyq ofısqa kelip túsken, Soltústik Qazaqstan oblysyndaǵy fılıalǵa – 168, Shyǵys Qazaqstan oblysyndaǵy fılıalǵa – 157 jáne Almaty oblysyndaǵy fılıalǵa -142 ótinim túsken.
Sonymen birge, otandyq agrarshylar egin jınaý naýqanyna daıyndyq jóninde de umytpaǵan. «QazAgroQarjy» aksıonerlik qoǵamyna jalpy somasy 13,8 mlrd. teńgege kombaındar, shóp mashınalaryn, destelegishter men basqa da tehnıkalar satyp alýǵa 637 ótinim tústi.