«Biz túlektermen maqtanamyz» aksııasy aıasynda qolǵa alynǵan ıgi bastamany jýrnalıstıka fakýltetiniń dekany, fılologııa ǵylymdarynyń kandıdaty, dosent Saǵatbek Medeýbekuly, dekannyń ǵylymı-ınnovasııalyq jáne halyqaralyq qatynastar jónindegi orynbasary Abaı Sádýaqasov, saıası ǵylymdar doktory, professor Gúlmıra Sultanbaeva, sondaı-aq, Túlekter qaýymdastyǵynyń tóraıymy, dosent Oryntaı Oshanova bastap keldi.
Otandyq baspasóz ben ýnıversıtettiń damýyna qosqan úlesi úshin «Egemen Qazaqstan» gazetiniń Almaty tilshiler qosynynyń jetekshisi Talǵat Súıinbaı, sholýshy-jýrnalıster Saparbaı Parmanqul, Gúlzeınep Sádirqyzy ýnıversıtettiń 80 jyldyq mereıtoıyna oraı shyǵarylǵan merekelik altyn medalmen marapattaldy. Sondaı-aq sholýshy-tilshiler Aınash Esalı men Aıgúl Ahanbaıqyzy, Mıra Baıbek pen Arman Oktıabrge oqý ordasynyń rektory akademık Ǵalymqaıyr Mýtanovtyń arnaıy alǵys haty tabystaldy.
– Biz óz túlekterimizben maqtanamyz. Kásibı bilimniń álippesin úıretken ushqan uıasy shákirtteriniń ár jetistigine súıinedi. Darhan Qydyráli myrza bastaǵan elimizdiń bas basylymy «Egemen Qazaqstan» respýblıkalyq gazeti aksıonerlik qoǵamynyń barlyq qyzmetkerlerin ujymymyzdyń atynan kele jatqan jýrnalıster kúnimen shyn júrekten quttyqtaımyz – dedi Saǵatbek Medeýbekuly.
Kezdesý barysynda esten ketpes estelikter aıtylyp, túlekter tarapynan tilekter joldandy. Kelgen qonaqtarǵa tilshiler qosyny tarapynan Prezıdenttiń baspasóz qyzmeti men «Egemen Qazaqstannyń» birlesken jobasymen «Egemen Qazaqstan» kitaphanasynyń serııasymen jaryq kórgen «25 jyldyń 25 sáti» kitaby syıǵa tartyldy.
Baǵashar TURSYNBAIULY,
«Egemen Qazaqstan»
ALMATY
Sýretterdi túsirgen Nurmanbet Qızatuly