Zaısanda kólik-logıstıkalyq ortalyq salynady

«Qazirgi tańda eýrazııalyq logıstıkalyq ınfra­qurylymdy damytýǵa erekshe kóńil bólinýde. Jobany iske asyrýǵa «Eurotransit Termi­nal» jaýap­kershiligi shekteýli serik­tes­tigi yqylas tanytyp otyr. Olarǵa jobanyń qurylys ju­mys­taryn júzege asyrýǵa 20 gek­tar jer berildi», deıdi aýdan ákimi.  Qazirgi ýaqytta Zaısan aýda­nynda gazdandyrý jumys­­­­­tary júrgizilip jatqany bel­­gili. Zaısan qalasynda sońǵy eki jylda 766,4 mıllıon teńgege birinshi kezektegi ishki oramdyq gaz taratý jelilerin iske qosý jumystary júrgizilipti. Osy ýaqytqa deıin qaladaǵy bir myń­nan astam turǵyn úıge, 12 bıýd­jettik jáne 78 kásipkerlikpen shu­ǵyl­danatyn mekemege, mek­tep­terge gaz jetkizilipti. Temir­­bek Qasymjanov aýdan orta­ly­­ǵyndaǵy turǵyn úıler men ny­sandardy gazdandyrý jumys­tarynyń bıyl tolyq aıaqtalyp, aýdannyń eldi mekenderin gaz­dan­dyrý sharalary odan ári jal­ǵasatynyn aıtty. Taǵy bir jaǵymdy jańalyq, jaqynda Zaısan qalasynda 60 páter­li eki úıdiń qurylysy bas­­talady. Aýdanda qazir  900-den astam adam páter kezeginde tur­­ǵan kórinedi. Eger qos úıdiń qury­­lysy merziminde aıaqtalǵan jaǵ­­daıda 120 otbasynyń bas­pana máselesi sheshimin tabatyn bolady. Aýdan ákimi qazirgi ýaqyt­ta óńirge kelgisi keletin jas­tar­dyń qatary qalyń ekenin jetkizip, sondyqtan bul máse­leniń túıinin tezirek tarqatýdyń mańyzdylyǵyna toqtaldy.

«О́tken jyly aýdan ekono­mıkasyna 11 mıllıard 729,2 mıl­­lıon teńge ınvestısııa tar­tyldy. Aýdandaǵy aýmaqtyq ın­dýstrııalandyrý kartasyna úsh joba engizildi. Onyń ishinde «SMÝ-Shyǵys» jaýapkershiligi shekteýli seriktestigine qarasty qurylys kombınatynyń temir-beton ónimderin shyǵaratyn zaýyty, «Nur» sharýa qojaly­ǵynyń et kombınaty jobalary bar. Kórshi Qytaı eliniń ınves­torlary aýdanda «Ertis-TZ» mar­ka­ly traktor jáne aýyl sharýa­­shylyǵyna qajet túrli quryl­ǵylardy shyǵaratyn zaýytty iske qosty», degen aýdan basshysy ótken jyly aýylsharýashylyq ónimderin óndirýdiń jalpy kólemi 17 mıllıard 502,1 mıllıon teń­geni quraǵanyn, mal tuqymyn asyl­dandyrý baǵytynda birqatar sharýalardyń qolǵa alynǵanyn tilge tıek etti.

Azamat Qasym, «Egemen Qazaqstan»

Shyǵys Qazaqstan oblysy,  Zaısan aýdany