Sý men ǵımarattardy jylytýǵa arnalǵan agregat kún energııasyn jınaıtyn plastınalardyń kómegimen sáýlelerdi ortalyqqa shoǵyrlandyrady. Onda ornalasqan shyny tútikshe túrindegi vakýým Selsıı ólshemimen 900 gradýsqa deıin qyzady da, edendi, basseındi nemese kishigirim úılerdi jylyta alady. Uıymdastyrýshylardyń aıtýynsha, qurylǵynyń 4 kVt bolatyn qýattylyǵy úlken úılerge shamasy kelmeıdi. Dese de, kúnine 1000 lıtr sýdy jylytýǵa qaýqarly. Apparattyń biregeıligi sol, kúnniń ornalasqan jerin ózi anyqtaıdy jáne kúnbaǵys sekildi plastınalaryn kúnge qaraı burady. Ýkraınalyq óndirýshilerdiń patenttelgen taǵy bir tehnologııasy – ýltradybysty shyǵyn ólsheýish. Ony gaz, munaı jáne sý qubyrlaryndaǵy qysymdy ólsheý úshin paıdalanady. «Apparat tetikterindegi ýltradybystyń kómegimen qubyrdy ashpaı-aq onyń ishindegisin, kólemin jáne qysymyn bilýge bolady. Yńǵaıly da yqsham shabadanda ornalasqan qurylǵynyń qýaty 8 saǵatqa deıin jetedi», deıdi tanystyrýshylar. Ýkraına seksııasynyń úshinshi jańalyǵy – kún sáýlelerinen energııa óndiretin qondyrǵy. Kúndizgi ýaqytta kúnnen qýat jınaıtyn perdeshe keshki ýaqytta bólme shamynyń jaryǵynan da energııa óndiredi. Jınalǵan energııany kishigirim turmystyq tehnıkalarǵa qoldanýǵa bolady. Atap aıtqanda, telefon men noýtbýkti qýattaýǵa, teledıdardy qosýǵa jaramdy.
Ashat raıqul, «Egemen Qazaqstan»
Sýretterdi túsirgen Orynbaı BALMURAT, «Egemen Qazaqstan»