Jyrsyń ǵalam, ǵalamat nursyń dalam, Etek-jeńin qaýsyryp qýsyrmaǵan. ...Qazaqstan, qarǵam-aı, ánim ediń – qanatynda aqqýdyń sýsyldaǵan. Móldir tamshy ilingen búrinde emen, Kókjıekke kóz salsam Kúnin kórem. ...Qazaqstan! qasterli kúıim Meniń – Tuıaǵynda dúldúldiń dúbirlegen. Aq tań týsa Alashqa arys kútken, arnasynan asady aǵys bitken. Quba dalam oılasam tyna qalam dombyranyń shegindeı qaǵys kútken. Asyldardan amanat... tapty meni, ǵasyrlardan kútkenim aq kún edi. ...Qazaqstan – babamnyń aq batasy Qazaqstan – anamnyń aq tilegi. Zamananyń terbelse shynar baǵy, Ulytaýdyń shýlamaı ularlary... Qazaqstan – qyzymnyń qyzǵaldaǵy – Qazaqstan – ulymnyń uly armany. Qazaqstan! kónermes kóktem elim, ózińe aıan, kógerip kóktegenim... Qazaqstan – jalǵyzym, jalǵyzyma – Jar bola gór, jaratqan, – dep kelemin. Shomylatyn shýaqqa shoq qaraǵaı, Kúnnen qýat izdegen, ottan araı, ...Qazaqstan – júregim, Júregimniń – Máńgilikke dúrsili toqtamaǵaı!
Ǵalym JAILYBAI