«Smart Zholy» baǵdarlamasyn Qazaqstan Respýblıkasynyń Tuńǵysh Prezıdenti – Elbasynyń qory bıyl naýryz aıynda jarııalaǵan bolatyn. Atalmysh joba aıasynda IT salasyndaǵy otandyq programmısterge halyqaralyq kompanııalarmen birlesip biregeı ınnovasııalyq ónim ázirleýge jáne servıs qurýǵa múmkindik berildi. Baǵdarlama qazaqstandyq startaptardyń sapasy men olardyń bolashaǵyna, ásirese, jastar jobasyna qatysty ózekti máselelerdi sheshýge baǵyttaldy.
«Smart Zholy» Ońtústik Azııadaǵy «Echelon Asia Summit» jetekshi startap-alańymen birlesip jasalǵan. Jobanyń basty ereksheligi – konkýrstyq negizde iriktelip alynǵan jeńimpazdardyń álemniń jetekshi tehnologııalyq habynyń biri – Sıngapýrge joldama alýynda boldy. Iаǵnı, qazaqstandyq úzdik programmıster sheteldegi iri kompanııalarda tájirıbeden óte júrip óz jobalaryn júzege asyrdy.
«Smart Zholy» jobasynyń negizgi maqsaty − jastardyń startaptaryn tek qana Qazaqstanǵa emes, ǵalamdyq naryqqa shyǵarý, Memleket basshysynyń Joldaýynda qozǵalǵan ekonomıkany jedel jańǵyrtý jáne sıfrly ekonomıkany qurý mindetin oryndaı otyryp, elimizdi tehnologııalyq salasyn jetildirý bolatyn. Joba eki kezeńge bólindi. Birinshi kezeń Astana, Almaty, Qaraǵandy, Pavlodar qalalarynda ótkizildi. Ekinshi kezeń elimizdi tutas qamtydy. 10 komanda jeńimpaz dep ataldy.
Sıngapýr elinde bizdiń mamandar eń ataqty degen eki kompanııada - (əlemdegi eń úlken porttyń biri) PSA portynyń jəne Parkway Pantai medısına ortalyǵynda bolǵan. Qazaqstandyq programmıster kompanııanyń IT-men baılanysty bıznes múmkindikterin jetildirýge kómektesken. Al búginde olar tájirıbelerin óz ıdeıalaryn júzege asyrý jolynda qoldanýda. Sheteldi moıyndatqan jobalaryn qazaqstandyq kompanııalarǵa usynyp, tipti keıbirinen arnaıy tapsyrys ta alyp úlgirgen. Iаǵnı, telekommýnıkasııa, logıstıka, qarjy jáne densaýlyq saqtaý salasyndaǵy iri korporasııalardyń ótinimderi boıynsha jobalar ázirledi.
Dınara Bitikova,
«Egemen Qazaqstan»