Qonaqtar Abaı eskertkishiniń janynda aýdandyq Abaı oqýlarynyń jeńimpazdaryn marapattap, aqynnyń eskertkishine gúl shoqtaryn qoıdy. Aýdandyq mádenıet úıinde Ǵarıfolla Esimniń 70 jyldyǵyna arnalǵan konsert ótti. Sharaǵa qatysqan oblys ákimi Bolat Baqaýov mereıtoı ıesine «Altyn barys» tós belgisin tabystap, Elbasynyń quttyqtaý jedelhatyn oqyp berdi. Ǵalymnyń uly Qazbek bolsa, qazir Aqqýly aýylynda turyp, qyzmet etýde. Ata-babasy qonys etken, ákesi Ǵarıfolla týyp-ósken Lebıaji aýdanynda, aýylda urpaq jolyn jalǵastyrýda.
Konsertten keıin qonaqtar, jurtshylyq etnoaýyldy aralap kórdi. Aqqýlyqtar qarsy alǵan qonaqtardyń ishinde AQSh-tan kelgen Vıskonsın ýnıversıtetiniń professory Gerı Kırkıng, «Wisconsin Farm Bureau» aýyl sharýashylyǵy kooperatıviniń basshysy Deıl Bıtı jáne Verona qalasynyń meri Djon Hochkammer de boldy. Vıskonsın shtatynan kelgen amerıkalyq qonaqtar oblys kásipkerlerine semınar ótkizýde.
- Men Qazaqstanǵa osymen besinshi ret kelip otyrmyn, - dedi Vıskonsın ýnıversıtetiniń professory Gerı Kırkıng. - Abaı uly aqyn, oıshyl retinde estip bildik. Merekeniń kýási bolǵanyma óte qýanyshtymyn.
Budan keıin báıge ótkizildi.
Farıda BYQAI, «Egemen Qazaqstan»