Qazaqstan Prezıdenti Mysyr Arab Respýblıkasynyń Prezıdenti Ábdel Fattah As-Sısıge kóńil aıtý jedelhatyn joldady, dep habarlaıdy Aqordanyń baspasóz qyzmeti.
Memleket basshysy Aleksandrııa qalasynyń mańyndaǵy poıyz apaty saldarynan kóptegen adamnyń qaza bolǵany jáne zardap shekkeni týraly habardy zor kúızelispen qabyldady.
«Qazaqstan halqynyń jáne jeke ózimniń atymnan qaza bolǵandardyń otbasylary men jaqyndaryna qaıǵylaryna ortaqtasyp, kóńil aıtamyn. Zardap shekkenderdiń tezirek saýyǵyp ketýine tilektespin», - delingen jedelhatta.