О́ńirde qalalyq jáne aýdandyq saılaý komıssııalary aýyl ákimi laýazymyna 279 úmitker tirkepti. Olardy qupııa daýys berý quqyǵy negizinde máslıhat depýtattary saılady. Aýyldyq aýmaqtar men aýyl ákimderine daýys berý oryndary saılaýshylar otyrysy ótken ǵımarattarda ashylyp, qajetti quraldarmen jabdyqtaldy.
Oblystaǵy 13 aýdanda saılaý úrdisine 167 depýtat qatysty. Sóıtip, 279 úmitkerdiń ishinen 98 aýyl ákimi saılandy. Saılanǵan ákimderdiń 80-i er adam bolsa, 18-i – áıel. Onyń ishinde: pedagogtar – 47, aýyl sharýashylyǵy mamandary – 18, ekonomıster – 11, zańgerler – 11, ınjenerler – 11. Jas erekshelikterine keletin bolsaq, alty adam – 25-30, 10 adam – 30-35, 25 adam – 35-45, 45 adam 45-55 jas aralyǵynda jáne 12 adam 55 jáne odan joǵary jasta. Eń jas ákim – 25 jastaǵy Erǵanat Qaıken Maı aýdany Maıtúbek aýylynda turady.
Farıda Byqaı, «Egemen Qazaqstan» Pavlodar oblysy