Álı Ahmedov AQSh-tyń Ostın qalasynda kásipqoı bokstaǵy 8-shi kezdesýin ótkizdi, dep habarlaıdy prosport.kz
Qazaqstandyq boksshy amerıkalyq Kertıs Hıllmen judyryqtasty. Qos boksshynyń da buryn-sońdy jeńilip kórmegenin aıta ketken jón.
On raýndqa josparlanǵan jekpe-jektiń tórtinshi raýndynda Álı qarsylasyn aýyr nokaýtqa jiberdi. Osylaısha, otandasymyz jastar arasynda WBC tujyrymy boıynsha álem chempıony tıtýlyn jeńip aldy.
Álı Ahmedov kásipqoı bokstaǵy segizinshi jeńisine qol jetkizip otyr. Onyń altaýyn nokaýtpen aıaqtaǵan.