9 qyrkúıekte Astanada ótetin Qanat Islam men kanadalyq Brendon Kýktyń jekpe-jegine Qytaıdaǵy jáne Kanadadaǵy jankúıerler 5 myń orynǵa tapsyrys bergen. Bul týraly «Qazaq promotions» kompanııasynyń baspasóz qyzmetine silteme jasap Baq.kz aqparat agenttigi jazdy.
«Bıletter qazir óte jaqsy satylyp jatyr. Qytaıdaǵy jankúıerler 3 myń, kanadalyqtar 2 myń bılet suratyp otyr. Qonaqtardy kútý úshin áli de daıyndyq jumystary júrip jatyr. «Saryarqa» velotregi jalpy 11 myń adamǵa arnalǵan. Sheteldik BAQ ókilderi de kezdesý keshine qyzyǵýshylyq tanytyp otyr», – deıdi «Qazaq promotions» kompanııasynyń baspasóz qyzmeti.
Eske sala keteıik, 9 qyrkúıek kúni Astanadaǵy «Saryarqa» velotreginde kásipqoı boks keshi ótedi. Keshtiń basty jekpe-jeginde Qanat Islam men kanadalyq Brendon Kýk kezdesedi.