Ýaqyt yrǵalyp-jyrǵalýdy kótermeıdi

О́ńirde jylytý maýsymynyń bastalýyna da az qaldy. Teris­keıdiń qysy qaharly ári uzaqqa sozylatynyn eskersek, ýaqyt naı­qalýdy kútpeıtini, jan-jaq­ty daıyndyq jumystaryn qa­jet etetini sózsiz. Energetıka já­ne turǵyn úı-kommýnaldyq sha­­rýashylyǵy basqarmasynyń basshysy Tasmurat Qatqa­da­mov­tyń aıtýynsha, turǵyn úıler men áleýmettik sala nysandaryn qys­qy jaǵdaıǵa qalpyna keltirýge jergilikti qazynadan 2,4 mıllıard teńge bólingen. Bıýdjettik mekemeler 173,8 myń tonna kómirge kelisimshart jasasyp, 94 paıyzy jetkizilgen. «SevKazEnergo» AQ ınvestısııalyq baǵdarlamalar sheńberinde 5,6 mıllıard teńge baǵyttaǵan. Petropavl № 2 jylý elektr ortalyǵy 14 qazandyq pen týrboagregatty jóneýden ótkizip, ekeýin tolyqtaı jańartqan. Kó­mir men mazýt qory jetkilikti. «Qyzyljar sý» kásiporny 280 sha­­qyrym sý júıelerin, 400 qu­dyqty qalpyna keltirip, 53 gı­drantty aýystyrǵan. «Esil sý» mekemesi 18,8 shaqyrym ma­­gıs­­traldy sý qubyrlaryn ja­ńalaǵan. 

Basshynyń esebi jan jadyratar sıfrlarǵa toly bolǵanymen, oblys ákimi Qumar Aqsaqalovty qanaǵattandyrmady. Kúzgi-qysqy jaýapty naýqanǵa daıarlyqta birqatar túıtkildi máselelerdiń qordalanǵanyn atap kórsetti. Jumys kestesinen keshigýshilik bar. Áleýmettik nysandardaǵy 509 qazandyqtyń 455-i ǵana ázir.­ Ásirese, kóp qabatty tur­ǵyn úı­lerdegi aqaýlar men kemshilikterdi anyqtaý sylbyr júrgizilýde. Ob­lys ortalyǵyndaǵy bir myńnan astam kóp páterli bas­panalardyń 600-ne jýyp-shaıý, qysymmen tek­serý sharala­ry júrgizilmegen. Jam­byl, M. Jumabaev aýdanda­rynyń qatty otynǵa bereshegi 75 mıllıon teńgege jeteǵabyl. Kómirdi sabanmen almastyrý úrdisine kóshýshiler sanaýly. 

Sol sııaqty mektepter ishin­degi qazandyqtardy syrt­qa ornatý týraly Úkimet tapsyr­ma­­­sy­nyń oryndalýy da kóńil kón­shitpeıdi. Bıyl jospar­lan­ǵan 60 qazandyqtyń 8-i ǵa­na shyǵarylǵan. Qaraǵandy obly­synyń Shahan qalasynda oryn alǵan jarylystan keıin to­ǵyz aı ótkenine qaramastan aýdan­ ákim­deriniń qareketi qa­ryn ashtyrady. «Sapro-Nat» JShS-niń qazandyqtardy se­nimdi basqarýǵa alý sekildi ozyq táji­rıbesi ózgelerge úlgi etý­­ge tu­ra­r­lyq bolǵanymen, es­kerý­shiler az. 

Qumar Irgebaıuly jańadan boı kóterip jatqan baspanalardyń sapasyn da ótkir synǵa aldy. Shy­nynda da, byltyr jańa qonys­qa kir­gen turǵyndardyń qys bo­­ıy búrseńdep shyqqany áli umy­­tyla qoıǵan joq. Osyǵan oraı qadaǵalaý oryndaryna qury­lysqa bólinetin qarjynyń jum­salýyn qadaǵalaýdy kúsheıtý tap­syryldy. Qylyshyn súıretip qys keledi. Onyń qandaı minez kórseteri belgisiz. «Qys arbań­dy, jaz shanańdy saıla» dep tekke aıtylmaǵan. Kesteden aýyt­qýshylyq bolmasyn. Kóp qabatty turǵyn úılerdiń, áleýmettik nysandardyń jyly da jaıly bolýyna aýdan, qala ákimderi aldymen jaýap beredi, dedi ákim otyrysty qorytyndylap.

О́mir ESQALI, «Egemen Qazaqstan»

 Soltústik Qazaqstan oblysy